Fritekstoppgåve der du skal skissere og forklare komponentar som inngår i ei reguleringssløyfe. I desse oppgåvene må du ta utgangspunkt i utstyr som du kjenner frå før, eller du må velje utstyr frå ein leverandør. Ta utgangspunkt i dokumentasjonen/datablada frå leverandøren.
- Forklar korleis du kan kontrollere kalibreringa av ein nivåtransmitter ved hjelp av ein såkalla fempunktssjekk. Transmitteren er ein differansetrykktransmitter med utgang på 4- 20 mA, og skal måle nivået i ein 10 m høg tank med vatn. Transmitteren er plassert ved botnen av tanken.
- For å få betre tilgang til transmitteren, flyttar vi transmitteren i denne oppgåva over til ei plassering som er 1 m under botnen i tanken. Er det då naudsynt å kalibrere transmitteren på ny, og kva blir eventuelt det nye måleområdet?
- Innhaldet i tanken blir forandra frå vatn til hydraulikkolje. Må vi då kalibrere om transmitteren, og kva blir eventuelt det nye måleområdet? Ta utgangspunkt i databladet til ei hydraulikkolje.
- Kva meiner vi med omgrepa "linearitet" og "hysterese" når det gjeld målesignalet frå ein transmitter?
- Ein transmitter blir oppgitt med eit øvre måleområde opp til 140 kPa. Trykkalibratoren som du skal nytte, oppgir trykket i bar og psi. Kva blir 140 kPa oppgitt i bar og psi?
- Beskriv korleis du ville ha kontrollere kalibreringa på ein reguleringsventil. Teikn ei skisse over måleoppsettet.
- Kva blir rekna som slitedelar i den reguleringsventilen som du valde i oppgåva over?
- Beskriv korleis du ville ha optimalisert ei nivåregulering. Grunngi valet av metode og gjer greie for kva resultat ein kan vente. Teikn ei fleirlinja skisse for tilkopling av ein skrivar i reguleringssløyfa.
- Det viser seg at ein regulator alltid vel PID-regulering når Autotune er ferdig. Følgjande verdiar blei valde P = 25, I = 3 og D = 1. Når vi køyrer reguleringa, viser det seg at vi har for stort oversving når nelastninga endrar seg. Det er ønskjeleg at oversvinget blir minska. Kva for nokre av PID-parametrane over vil du endre på, og vil du auke eller minske verdien på parametrane?
- Vil ei PID-regulering alltid vere eit betre val enn ei PI-regulering? Grunngi svaret.
CC BY-SASkrive av Odd Ståle Vikene.
Sist fagleg oppdatert 22.01.2019