Åndsverklova og bruk av musikk
Kjøpesenter, butikkar, restaurantar og andre som speler musikk offentleg, må ha ein avtale med dei som har skrive og eig musikken. Opphavarane må, med bakgrunn i lov om opphavsrett til åndsverk mv. (åndsverklova), ha gitt løyve til at musikken kan spelast. Først når opphavspersonen har vore død i meir enn 70 år, blir musikken fritt tilgjengeleg.
TONO
Det hadde vore svært tungvint dersom kvar bedrift skulle inngått eigne avtalar med alle artistane. Derfor har vi eit selskap som gir slike løyve på vegner av artistane. Selskapet heiter TONO og driv med konsesjon frå Kulturdepartementet.
TONO forvaltar rettane til artistane. Bedrifter som ønskjer å bruke bakgrunnsmusikk i kundelokale, må derfor inngå ein avtale med TONO. For ei bedrift med kundelokale på inntil 100 kostar det 1 445 kroner i året (2024). Du finn oppdaterte prisar i prisoversikta til TONO.