Situasjonsbeskriving
Leiaren for lokalkontoret har tittelen avdelingssjef.
Under avdelingssjefen er det tre driftsleiarar. Driftsleiarane er leiarar for ulike typar vakttenester, som stasjonærvakt, mobilvakt og handel. Driftsleiaren har personalansvaret for alle tilsette ved avdelinga si.
Under kvar driftsleiar er det ein driftskoordinator. Driftskoordinatoren er ein assistent for driftsleiaren.
Under kvar driftsleiar er det òg fire objektleiarar som er fagleiarar for fem vektarar kvar.
Vaktselskapet har tre ulike stabsfunksjonar:
- sal
- rekruttering
bemanning
Støttefunksjonar som rekneskap, lønn, IT og opplæring er lagt til hovudkontoret og skal ikkje vere med i organisasjonskartet til lokalavdelinga.
Oppgåve
- Du er i praksis hos vaktselskapet Trygghet. Her får du i oppgåve å lage eit organisasjonskart, slik at vektarane tydeleg kan sjå kven dei har som leiar. Bruk opplysingane du finn ovanfor. Set eigne føresetnader viss det er naudsynt.
- Set deg saman med ein medelev.
Samanlikn organisasjonskarta. Har de løyst oppgåva likt? Diskuter og lag eit nytt organisasjonskart saman. Presenter organisasjonskartet for klassen.
Bruk gjerne eit av verktøya som er presentert i fagartikkelen nedanfor for å teikne organisasjonskartet.
Faglege omgrep
- Avdelingssjef
- er her den øvste leiaren av lokalkontoret.
- Driftsleiarane
- rapporterer til avdelingsleiaren og har ansvar for ein type vaktteneste.
- Stasjonærvakt
- er avdelinga for stasjonærvektarane. Det er vektarane som utfører enkle vaktmeisteroppgåver og betener tekniske sikkerheitsanlegg som kameraovervaking og alarmanlegg.
- Mobilvakt
- er avdelinga for mobilvektarar, som er vektarane som arbeider førebyggande ved å patruljere hos ulike bedrifter.
- Handel
- er her avdelinga for vektarar som arbeider for ulike butikkar.
- Driftskoordinator
- er assistenten til driftsleiaren.
- Objektleiar
- er leiaren for vektarane ute hos ein kunde.