Arbeidsoppdrag

Korleis er praksisplassen organisert?

I praksisperioden skal du gjere deg kjend med bedrifta du jobbar i, og nytte teori frå skulen i praksis. Desse oppgåvene vil hjelpe deg med å sjå samanhengar mellom teori og praksis.

Ein ung gut som jobbar som reservedelsekspeditør, sit ved ein datamaskin og bestiller delar. Foto. — Praksiselev i arbeid. Bilete: Tom Knudsen / CC BY-SA 4.0

Det er ikkje sikkert at alle spørsmåla passar for alle bedrifter. Tilpass sjølv temaa og spørsmåla slik at dei blir relevante for praksisplassen din.

Oppgåve 1

Presenter praksisplassen din.

Dette bør du ha med:

namnet til bedrifta, logo, visjon og eventuelle slagord
kva bransje bedrifta høyrer til, og kva som kjenneteiknar denne bransjen
selskapsforma til bedrifta (franchise, kjede, sjølvstendig, offentleg, privat)
litt om historia til bedrifta
kor mange tilsette det er i bedrifta, og eventuelt samla tal tilsette dersom det er ei kjede eller liknande
kven som er den næraste leiaren din, og kva rolle han eller ho har i bedrifta
kva den daglege drifta består av på praksisplassen din
kva som er arbeidsoppgåvene dine no og i tida som kjem
kva leverandørar bedrifta har

Oppgåve 2

Kva arbeidsoppgåver blir utførte i bedrifta?

Lag eit organisasjonskart over eller ei beskriving av arbeidsfordelinga i bedrifta.
Beskriv dei ulike rollene i bedrifta og kva den enkelte har ansvar for.

Tips

Bruk ressursane i emnet Organisasjonskart og arbeidsfordeling.

Du kan lage eit organisasjonskart i Word eller Power Point.

Oppgåve 1

Presenter praksisplassen din.

Oppgåve 2

Kva arbeidsoppgåver blir utførte i bedrifta?

Reglar for bruk av teksten "Korleis er praksisplassen organisert?"