Fagartikkel
Oppbevaring og transport av verdiar
Oppbevaring og transport av verdifulle gjenstandar krev ofte ekstra sikringstiltak.
Bilete: NTB scanpix, Shutterstock / CC BY-NC-SA 4.0
Sikkerheitsselskapa har eigne verdirom der kundar kan plassere verdifulle ting eller dokument mot betaling.
Verditransport er transport av pengar, verdipapir, sikkerheitskopiar av data eller andre gjenstandar av høg verdi. Transporten kan skje i uniformerte eller sivile bilar.
Kundane som kjøper verditransport, er i stor grad bankar. Vektarar som utfører denne tenesta, har som regel ekstra opplæring og spesielle instruksar dei skal følgje.