Oppgåve

Kalkulasjonar hos ByggMiks

I denne oppgåva skal du hjelpe ByggMiks med kalkulasjonane deira.

Under ser du resultatrekneskapen til ByggMiks AS for det førre året.

Hugs at i resultatrekneskapen er alle tal gitt utan meirverdiavgift.

Oppgåve

Kor stor bruttoforteneste i kroner og i prosent oppnådde ByggMiks AS?
Berekn dei indirekte kostnadene i kroner og i prosent.
Berekn fortenesta i kroner og i prosent.
Berekn avansen i kroner og i prosent.
Bedrifta kjøper byggemateriale frå England for 58 000 kroner. Direkte innkjøpskostnader er 7 062 kroner.
Bruk dei prosentsatsane som du berekna under b og c, og kalkuler sjølvkost og salspris med 25 prosent meirverdiavgift.

Fasit oppgåve a

Bruttofortenesta er 2 100 000 kroner. Dette er 40,4 prosent (av salsinntekter utan meirverdiavgift).

Fasit oppgåve b

Dei indirekte kostnadene er 1 745 000 kroner. Dette er 56,3 prosent (av inntakskost, som her er varekostnadene).

Fasit oppgåve c

Fortenesta er 355 000 kroner. Dette er 7,3 prosent (av sjølvkost).

Fasit oppgåve d

Avansen (= bruttoforteneste) er 2 100 000 kroner. Dette er 67,7 prosent (av inntakskost, her: varekostnader).

Fasit oppgåve e

Sjølvkost er 101 685,61 kroner. Salspris med meirverdiavgift er 136 420,32 kroner.