Marknadsfør smoothie til ulike målgrupper
Oppdrag: Lag eit reklameprodukt
Ein aktør innanfor smoothie-marknaden skal lansere eit nytt produkt: ein sunn frukt-smoothie med innslag av jordbær og kokosmjølk. Du har fått i oppdrag å lage to ulike lydreklamar for produktet.
Den eine lydreklamen skal vere retta mot elevar på vidaregåande skule.
Den andre lydreklamen skal vere retta mot pensjonistar.
Skriv ei kort skildring av dei to målgruppene.
- Kva assosierer du med målgruppene?
- Kva er målgruppene opptekne av?
- Korleis er økonomien til desse målgruppene?
Gjennom kva kanalar kan du nå målgruppene med reklamen?
Kva verkemiddel passar til dei ulike målgruppene?
Finn eit passande namn til smoothien. Namnet skal treffe både yngre og eldre målgrupper.
Formuler bodskapen. Bestem kva du skal fokusere på, og kva du ønsker å formidle gjennom reklamane.
Planlegg oppbygging og bruk av verkemiddel.
Tenk nøye gjennom korleis du skal vende deg til dei ulike målgruppene. Kva effekt får val av verkemiddel på sluttprodukta?
Vel publiseringskanal til reklamane (du kan velje ulike kanalar til dei to lydreklamane).
Sjekk om planen for reklamane passar til den skriftlege skildringa av målgruppene, gjer eventuelle justeringar der det trengst.
Lydreklamane skal strekke seg over 15 til 20 sekund.
Du kan bruke mobiltelefon til lydproduksjonen.
Ta omsyn til medieetikk og gjeldande lovverk i mediebransjen.
Rediger reklamane i eit eigna redigeringsprogram.
Gå gjennom denne sjekklista for lydarbeid.
Lever i eit filformat som er klart til publisering.
Spel av lydreklamane.
Beskriv kva grep og verkemiddel du har brukt for å treffe dei ulike målgruppene. Pek på likskapar og forskjellar i lydreklamane dine.
Beskriv korleis du har teke omsyn til medieetikk og gjeldande lovverk i samband med produksjonane.
Gå inn på typiske sjangertrekk i lydreklamane, og diskuter kva funksjon desse medieprodukta har i samfunnet.
Relatert innhald
Medieetikk er refleksjon over etiske problemstillingar som kan koplast til medieinnhald i ulike kanalar.