Øvelse
Symbol
Sannsynlegvis bruker du symbol kvar dag, for når du kommuniserer med andre via mobilen, vel du ofte emojiar i staden for bokstavar.
- Kva betyr symbolikken i samtalen under? Skriv samtalen med berre bokstavar.
- Sjå på den siste samtalen du hadde med nokon på mobilen. Kva symbol bruker du mest, og kva betyr dei?
Kvardags-symbolikk. Bilete: Åsa Abusland / CC BY-NC 4.0
To skulpturar i Vigelandsparken. Bilete: Bjørn Damsgaard / CC BY-NC-SA 4.0
Sjå på biletet ovanfor. Kva kan kroppsspråket til dei to figurane symbolisere?
Det samiske flagget. Bilete: Astrid Båhl / Offentleg eige
Her ser du det samiske flagget. Kva symboliserer ringen og dei ulike fargane? Bruk Internett om du ikkje kan svaret.
Tre religiøse symbol. Bilete: Sebastien Desarmaux / CC BY-NC-SA 4.0
Kva står desse tre symbola for?
Dei fire diktlinjene nedanfor er byrjinga på eit dikt som forfattaren og journalisten Nordahl Grieg las opp frå NRKs radiostasjon i Tromsø den 17. mai 1940.
- Kva var annleis enn tidlegare på denne 17. mai?
- Forklar symbolbruken i dei to første linjene.
I dag står flaggstangen naken
blant Eidsvolls grønnende trær.
Men nettopp i denne timen
vet vi hva frihet er.(Grieg, 1940)
Kjelder
Grieg, N. (1940). "I dag står flaggstangen naken", framført på radio 17. mai 1940.