Kva er greia med norsk, svensk og dansk?
Del 1. Lytt til ein podkast
Lytt til podkasten. Mens du lyttar, skal du fullføre setningane under:
I mellomalderen var det slik at forskjellane mellom norsk, svensk og dansk var …
I norrøn tid ("fornalderen") kunne ein nordmann og ein engelskmann …
Ein viktig forskjell i uttale mellom norsk og dansk er måten vi seier ordet "mat" på. I Danmark er det slik at …
Ein forskjell i substantivbøyinga på norsk og svensk er at …
Island skil seg ut i Norden når det gjeld lånord, fordi …
Årsaka til at nokon har problem med å forstå dansk, er at …
Årsaka til at bokmål liknar dansk skriftspråk, er at …
Norsk høyrest "morosamt" ut for svenskane fordi vi …
Det Finland og Noreg har felles, er at …
Del 2. Gå i djupna på kvart dykkar språk
Gå saman i par.
Ein av dykk les meir om forskjellar mellom norsk og svensk ved å lese om svensk, mens den andre les om dansk. Bruk sida Norsk møter svensk og dansk.
Etter de har lese: Fortel kvarandre om dei viktigaste forskjellane mellom høvesvis norsk og dansk og norsk og svensk.
Del 3. Skriv det du hugsar
Skriv ein tekst på 200–300 ord der du svarer på denne problemstillinga: "Kva er dei viktigaste forskjellane mellom norsk og svensk og mellom norsk og dansk?"