Kan du stoppe smitteutbrotet i Kongsland?
Lenke til synstolka versjon av spelet
Refleksjonsspørsmål
Etter at du har spelt pandemispelet, skal du svare på følgande spørsmål. Du kan gjerne diskutere med ein medelev.
Korleis påverka korona-situasjonen beredskapen på norske sjukehus?
I spelet gjorde du ulike val i beredskapshandteringa. Kva konsekvensar fekk dei ulike vala for turistnæringa?
Forklar kvifor det å stenge restaurantar, barar, butikkar og kjøpesenter er aktuelle tiltak i ein beredskapsstrategi i ein pandemisituasjon. Forklar kortsiktige og langsiktige konsekvensar av tiltaket.
Synest du det er eit godt tiltak å stenge skular? Grunngi.
Nedvask er eit godt smitteverntiltak, men kva for nokre negative konsekvensar fekk det i Kongsland, det vesle samfunnet i spelet?
Forklar kvifor forsking er eit beredskapstiltak.
Kvifor er det viktig at befolkninga har tillit til beredskapshandteringa?