Undersøk eigenskapane til mineralull, og samanlikn ulike typar.
Mineralull blir laga av stein eller glas
Mineralull er ei samlenemning for ein type materiale som blir brukt som isolasjon i bygningar. Ulla er laga av anten stein (steinull) eller glas (glasvatt).
Føremål
Undersøk eigenskapar til dei to typane mineralull:
- steinull
- glasvatt
Framgangsmåte og resultat
Del 1. Eigenskapar til steinull og glasvatt
Undersøk og samanlikn nokre eigenskapar til steinull og glasvatt. Aktuelle eigenskapar kan vere:
- struktur
- tettleik
- absorpsjon av vatn
- isolasjonsevne
- brennbarheit
- evne til å dempe vibrasjon
Del 2. Samanlikn steinull og glasvatt
- Lag hypotesar om dei ulike typane mineralull.
- Legg ein plan for korleis de vil undersøkje om hypotesane stemmer, og gjer undersøkingar.
- Gjennomfør planen.
- Presenter det de kjem fram til, på ein oversiktleg måte.
CC BY-SASkrive av Thomas Bedin.
Sist fagleg oppdatert 14.04.2020