Hopp til innhald

Oppgåver og aktivitetar

Podkast: Sosiale forskjellar

I podkastepisoden om sosiale forskjellar møter du to personar som har vakse opp i trongare kår enn dei fleste andre her i landet. Oppgåva inneber både forarbeid og etterarbeid.
Ei ung jente ser ut av eit vindu med regn på. Vi ser hus i bakgrunnen. Foto.
Opne bilete i eit nytt vindauge
CC BY-NC
Bilete: Katja Kircher

Forarbeid

  1. Kva er det største problemet med å vekse opp utan å ha god råd, trur du?
  2. Skriv ned nokre stikkord på korleis du trur samanhengen er mellom sosiale forskjellar og utanforskap.

Lytt til podkastepisoden før du jobbar med resten av oppgåvene.

Raud notatbok med papir stikkande ut. I forgrunnen står teksten «Heilt personleg». Foto.
Heilt personleg

Om utanforskap: Sosiale forskjellar

Her møter du Malin og Rebekka som begge voks opp i familiar med ulike utfordringar, budde i sosialbustader og der det å få pengane til å strekke til, ikkje alltid var like enkelt.

0:00
-0:00
CC BY-SA
Podkast: Moderne Media AS
Begrensa bruk
Bilete: Freepik.com

Etterarbeid

  1. Diskuter om materielle gode er viktig for ei kjensle av å vere innanfor.
  2. Korleis kan det å vekse opp med lite pengar skape utryggheit?
  3. Kva meiner Malin med at det er tabu å snakke om sosiale forskjellar? Drøft om du meiner det er sånn, og kva som kan gjerast for at fleire tør å snakke om det, slik Malin og Rebekka gjer.
  4. I kva situasjonar trur du folk på din alder med dårleg råd kan føle seg utanfor? Kva kan du/de gjere for å unngå slikt utanforskap? Diskuter gjerne i grupper.
CC BY-SASkrive av Inga Berntsen Rudi.
Sist fagleg oppdatert 11.02.2022

Læringsressursar

Sosiale forskjellar og utanforskap