Oppgåve
Lag eit videoessay der du reflekterer over kjønn og identitet. Kva forventningar blir stilte til oss på grunn av kjønnet vi er fødde som? Korleis er det å sprenge grenser om kjønn i dagens Noreg? Er vi så moderne og fordomsfrie som vi trur?
Eit godt videoessay krev at du har kunnskap om emnet du skriv om, slik at du kan trekke inn ulike meiningar og perspektiv. Du skal òg reflektere over eigne og andre sine synspunkt. I videoessayet ditt er det forventa at du siterer og refererer andre tekstar som klargjer og støttar momenta du har med.
Forslag til framgangsmåte
Du kan bruke ressursane under for å strukturere arbeidsprosessen.
Tips til tekstar om kjønn og identitet
Les, lytt og sjå tekstar som på ulike måtar tematiserer kropp. Samarbeid gjerne med andre: Del tekstane mellom dykk og noter ned stikkord, gode poeng og sitat de kan bruke i videoessayet. NB: Hugs å notere ned kvar du hentar tekstutdrag frå, slik at du får ført kjeldene korrekt i rulleteksten.