Kva slags kulturell identitet har unge som veks opp med ein fleirkulturell bakgrunn? Kan NRK-serien Norsk-ish lære oss noko om kulturell identitet?
1. Norsk-ish og kulturell identitet
- Sjå den første episoden av NRK-serien (25 minutt), og svar på oppgåvene. Første episode av serien Norsk-ish på NRK
- Korleis tolkar du reaksjonen til Fariba i passkontrollen heilt i starten av episoden?
- Store delar av episoden går føre seg på 17. mai. Kvifor trur du serieskaparane har valt denne dagen som bakgrunn for handlinga?
- Les fagartikkelen om kulturell identitet under. Vel ut fagstoff frå artikkelen som du meiner beskriv den kulturelle identiteten til Fariba og dei andre i serien.
- Korleis tolkar du omgrepet "norsk-ish"?
Relatert innhald
2. Internasjonal dag
- I andre episode ser vi òg Fariba og ekskjærasten i barnehagen til sonen. Dei diskuterer internasjonal dag. Sjå scena frå 04:57 til 06:30. Kva meiner Fariba om dette, og kva meiner ekskjærasten?
- Kva meiner du om slike måtar å feire mangfald på? Diskuter med ein medelev, og prøv å sjå saka frå fleire ståstader.
- Les fagartikkelen om kulturell identitet og andregjering som du finn under. Kan du bruke perspektiv og omgrep derfrå til å forstå kvifor Fariba er skeptisk til feiring av internasjonal dag i barnehagen?
Diskuter i klassen: Er det andre måtar barnehagar kan feire mangfald på?
Relatert innhald
3. Utforsk kulturell identitet
- Lag ein podkast om ungdom og kulturell identitet i Noreg i dag, som du kan kalle "Norsk-ish". Passar denne tittelen på alle unge som veks opp i Noreg i dag?
- Bruk omgrep som du har lært i arbeidet med oppgåvene over til å diskutere, og reflekter korleis ungdom som veks opp i Noreg i dag får dei kulturelle identitetane sine. Sei òg noko om kva som kan vere moglegheiter og utfordringar med dette.
CC BY-SASkrive av Caroline Nesbø Baker.
Sist fagleg oppdatert 22.09.2020