Oppgåve
Yrkesetikk og respekt
Ei ung jente kjem fram til kassa der apotekteknikaren Ragna står. Ho verkar litt brydd. Jenta leverer ein resept på p-piller og ber om informasjon om graviditetstestar.
Bilete: Gorm Kallestad / CC BY-NC-SA 4.0
«Men du må jo ikkje ta p-piller viss du er gravid, det veit du vel?» seier Ragna høgt så både hennar kollega Babiri og dei nærmaste kundane høyrer det. Jenta raudnar og ser seg rundt medan Ragna held fram med å snakke like høgt. Babiri synest situasjonen er pinleg. Ho har opplevd liknande situasjonar med Ragna før.
Utfordringar til deg
- Vurder denne situasjonen opp mot dei yrkesetiske retningslinjene for apotekteknikarar.
- Kva haldningar viser Ragna?
- Bør Babiri gjere noko i denne situasjonen? I tilfelle kva? Grunngi svaret.
Relatert innhald
Fagstoff
ProfesjonalitetFor å vere ein profesjonell fagarbeidar må du ha den kompetansen som er nødvendig.