Etiske råvarer?

Opne bilete i eit nytt vindauge

CC BY-NC-SA

Bilete: Corbis, NTB

Råvaremarknader for mellom anna frukt, kakao, sukker og feitt har vore i søkjelyset på grunn av dei dårlege forholda varene blir produserte under. Det er påstandar om barnearbeid, lange arbeidsdagar, dårleg arbeidsmiljø, forureining og elendig løn.

Bananar er vanleg mat i norske heimar. Kva forhold blir bananar produserte under? På nettportalen til Forbrukarrådet kan vi lese:

12 timer hver dag står kvinnene med armene konstant nedsenket i tanker med giftige kjemikalier for at bananene skal være pene og rene innen de når norske butikker. Konsekvensene ses oftest først når de skal føde barn. Da er det ikke lenger en selvfølge at barna blir født med ti fingre og ti tær.

Rico er åtte år gammel og løper barbeint mellom bananplantene. Jorden er glatt av sprøytemidler og gjør det tungt å løpe. Men kurven er tom, og et nytt lass bananer skal hentes og fraktes til pakkelageret. Solen står midt på himmelen, og selv om ryggen verker, vet Rico at han fortsatt skal gå mange turer frem og tilbake før han kan gå i seng.

Historia om Rico er oppdikta, men situasjonen er reell for mange.

Opne bilete i eit nytt vindauge

CC BY-NC

Bilete: Stian Schløsser Møller

Ta stilling til påstandane nedanfor, og diskuter dei i grupper:

1. Eg har god kunnskap om kvar varene eg kjøper, er produserte. (ja/nei)
2. Eg ønskjer ikkje å kjøpe varer som er produserte av barn. (ja/nei)
3. Eg ønskjer ikkje å kjøpe varer som er produserte av folk som har låg løn og lange arbeidsdagar. (ja/nei)
4. Eg ønskjer ikkje å kjøpe varer som er produserte av folk som har eit utrygt og dårleg arbeidsmiljø. (ja/nei)
5. Eg ønskjer ikkje å kjøpe varer frå produsentar som forureinar miljøet eller slepp ut giftige stoff. (ja/nei)

Norske forbrukarar er positive til bedrifter som praktiserer etisk handel. Likevel gjer dei fleste forbrukarar lite for å sjekke varene og tenestene dei kjøper. Drøft om det kan kome av dobbeltmoral, latskap, mangel på kunnskap eller anna.

Varer som er produserte under gode arbeidsforhold og er Fairtrade-merkte, kostar ofte meir enn dei som ikkje er produserte under slike forhold. Er du sjølv villig til å betale ekstra for at dei varene du kjøper, skal vere produserte under gode arbeidsforhold? Grunngi svaret ditt.