Oppgåve

Yrkesprofilen

Etter vg2 sal, service og reiseliv kan du velje å gå ut i lære i salsfaget, reiselivsfaget, sikkerheitsfaget eller service- og administrasjonsfaget. I denne oppgåva skal du fordjupe deg i ei av yrkesretningane.

Ein seljar og ein kunde står og diskuterer ei vare i ein butikk. Foto.

Inne på eit reisebyrå der det er vegghyller fulle av brosjyrar frå ulike reisemål. Ein person sit bak ein disk og jobbar på ein pc. To tomme stolar står framfor disken. Foto.

To vektarar står framfor to rulletrapper i eit kjøpesenter. Foto.

Ein person sit ved ein pc-skjerm bak ein resepsjonsdisk mens folk går forbi. Foto.

Til læraren

Forslag til tidsbruk: to–tre skuletimar

Start gjerne med ein kort gjennomgang av dei ulike retningane dersom elevane ikkje er godt kjende med dei frå vg1. I Verktøykassa ligg det ressursar til kvart fagområde.

Elevane kan velje retning sjølv, eller du kan tildele ei retning til kvar av dei, dersom det er meir formålstenleg.

Oppgåva kan løysast i gruppe eller individuelt.

Funna kan presenterast som veggavis (digital eller fysisk), som presentasjon for klassen, gjennom dialog i mindre grupper eller på andre måtar.

Jakta på yrkesprofilen

Ta utgangspunkt i den yrkesretninga du har valt / blitt tildelt. Vel deg eit yrke innanfor retninga og gjer deg betre kjend med yrket gjennom å undersøke punkta under. Presenter funna dine som ei veggavis.

Undersøk:

Kva går jobben ut på? Beskriv typiske arbeidsoppgåver.
Kvar kan du jobbe?
Kva for nokon personlege eigenskapar kan komme godt med i yrket?
Kva for kvalifikasjonar blir etterspurde?
Kva tener du som lærling?
Kva er medianlønna for yrket?

Bruk gjerne stillingsannonsar og ressursane nedanfor for å finne svar.

Forslag til ressursar

Filterval:

1) Vel fylket ditt.

1a) For sals- og reiselivsfaget: Vel "vg2 salg og reiseliv".

1b) For sikkerheits- og administrasjonsfaget: Vel "vg2 service, sikkerhet og administrasjon".

Til læraren

Jakta på yrkesprofilen

Forslag til ressursar

Salsfaget

Reiselivsfaget

Service- og administrasjonsfaget

Sikkerheitsfaget

Døme på lærebedrifter