Tips til bruk av søkjeord
Kva for søkjeord du bruker, har alt å seie for kva for kjelder du får lista opp. Derfor må du først og fremst finne gode søkjeord.
- Ta utgangspunkt i det problemet du ønsker å løyse, og dei fagomgrepa som du kan knytte til problemet. I denne artikkelen går vi gjennom temaet Cubakrisa.
- Finn også fram til synonym, og finn fram sentrale engelske søkjeord. Nokre ord kan fungere godt i Google, men gjer det ikkje nødvendigvis andre stader.
- Bruk Google, men gjer òg søk med andre nettlesarar og i databasar. Det kan til dømes vere skulebiblioteket ditt eller nyheitsdatabasen Atekst - Retriever, som mange skular abonnerer på.
Kor mange synonym finn du for omgrepet 'krise'?
Det kan vere smart å starte med få søkjeord.
Start med: cubakrisa
Du får fleire tusen treff.
Fortsett med: årsaker cubakrisa
Du får nokon hundre treff.
Fortsett med: årsaker cubakrisa spenningstilstand
Du får kanskje berre eitt treff? Slik kan du eksperimentere med søk. Prøv sjølv.
Søk etter: årsaker cuba-krisa 1962
framfor: Cuba-krisa
Søk etter: årsaker cuba-krisa 1962
framfor: årsaker til at Cuba-krisa oppstod i 1962
Søk etter: årsaker cubakrisa 1962
framfor Årsaker til Cuba-krisa 1962.
Du vil ikkje ha treff der ordet ”atomvåpen” er nemnt.
Søk etter: årsaker cuba krisa 1962 –atomvåpen
Fraser gir treff som inneheld eksakt heile frasen, viss han finst på nettet.
Søk etter "spenningstilstand som oppstod mellom usa og sovjetunionen". Du får berre treff som inneheld den eksakte søkestrengen: "spenningstilstand som oppstod mellom usa og sovjetunionen".