Ein interaktives Spiel über Berlin

Sett av ca. 90 minutt til spelet. Det er ein fordel om elevane har jobba litt med emnet Geteilte Stadt, geteiltes Land før dei speler.

Elevane bør jobbe i par eller i grupper på tre. Be dei legge frå seg mobiltelefonane. Kodekammeret skal gjennomførast utan hjelpemiddel.

Elevane skal innom ni ulike "rom". Dei seks klikkpunkta i rommet skjuler ulike oppgåver og aktivitetar:

• ein film som viser staden ein har komme til, og ei kort oppgåve som krev eit løysingsord for å låse opp neste steg

• ei lydfil som gir grunnleggande informasjon om staden, og ei tilhøyrande lytteoppgåve som krev eit løysingsord for å komme vidare

• ein skriftleg tekst som gir meir spesifikk informasjon om ei hending, ein tidsperiode eller liknande, og ei tilhøyrande leseoppgåve

For å komme seg ut av rommet må elevane finne eit skjult klikkpunkt. Når musepeikaren (🤚) blir til ein peikande finger (👆), har dei funne punktet.

Elevane får hint og løysingsord undervegs. Du kan gi ekstra hint om nokon står fast. Kontakt hjelp@ndla.no om du ønsker å få tilsendt løysingsorda.

Skriv ut det tosidige støttearket til kvar gruppe. Du kan òg skrive ut diplomet som gruppene får digitalt når dei har komme i mål.