Übungen: Hobbys
1. Pugg gloser
Pugg glosene til teksten "Meine Hobbys"!
Før du startar på oppgåva: Sjå godt på dei tyske glosene, og merk deg kjønnet på substantiva (der/die/das).
Sjekk at du forstår glosene: Flytt dei norske orda på rett plass.
Vel "Fyll inn" og "Byt språk". Skriv glosene på tysk, og bruk tipsa om du treng det.
Bli ein glosemeister! Gjer oppgåva utan å bruke tipsa.
2. Glosekort
Jobb saman to og to.
Jobb i par. Elev A les den tyske setninga høgt, og elev B omset henne til norsk. Snu kortet og les fasiten høgt. Hald fram med neste kort, og byt roller.
Trykk på pilene for å komme tilbake til start. No omset de dei norske setningane til tysk! A les den norske setninga høgt, og B omset henne. Bruk tipsa om de treng det. Snu kortet. B les fasiten høgt. Gå vidare, og byt roller.
3. Klasseromsvandring
Skriv ned spørsmåla nedanfor og svar på dei. Gå så rundt i klassen og spør kvarandre. Reager på det medelevane seier: Toll! Cool! Interessant! NB! Snakk med éin person om gongen og prøv å halde samtalen i gang. Læraren signaliserer når de skal byte partnar.
Spielst du ein Instrument?
Machst du Sport?
Was machst du gern?
Was machst du nicht so gern?
4. Luketekst
Jobb i par.
Løys først oppgåva. Kva ord passar kvar?
Les dialogen med fordelte roller og omset han så til norsk.
5. Lytteøving
Lytt og fyll inn orda som manglar.
6. Skriv ein tekst
Fortel om hobbyar. Skriv minst fem setningar.
Mein Hobby ist ... / Meine Hobbys sind ...
Ich ... gern.
Ich ... nicht so ...
Ich spiele/höre ...
Ich mache ...
Ich gehe/fahre ...
7. Mimeleik
No skal de mime og gjette ulike aktivitetar. Klassen blir delt i grupper på fire, seks eller åtte elevar, og kvar gruppe deler seg i to lag.
Førebuing: Kvart lag får seks lappar og skriv dei tyske namna på seks ulike aktivitetar, éin aktivitet per lapp. Brett lappane. Leiken kan starte!
Laga møtest til tvikamp: Lag 1 begynner. Ein på laget trekker ein lapp frå lag 2 og mimar aktiviteten som står på lappen, for laget sitt.
Dei andre elevane på lag 1 gjettar: "Du spielst Trompete!", "Machst du Yoga?" og så vidare. Klarer lag 1 å gjette rett aktivitet innan maks 30 sekund, får laget lappen og dermed eitt poeng. Lappen er då ikkje lenger med i spelet. Klarer ikkje lag 1 å gjette rett innan tida er ute, er det lag 2 som beheld lappen og får poenget.
Deretter er det ein person på lag 2 som trekker ein lapp frå lag 1 og mimar for laget sitt.
Leiken held fram til alle lappane er brukte opp. Kva gruppe får flest poeng?
8. Klar for litt multitasking?
Å gjere éin ting samtidig som ein seier noko anna, krev konsentrasjon. Les instruksen og sjå videoen "Was machst du da?" før de startar leiken. Kva aktivitetar kjenner de igjen? (Ordet radeln er eit sørtysk ord for Fahrrad fahren.)
Skriv ned ulike aktivitetar de har lært på tavla.
Stå saman to og to. (De kan kikke bort på tavla mens leiken går føre seg, men det er viktig at de har mest mogleg augekontakt med kvarandre.)
A mimar ein aktivitet (lèt til dømes som om hen joggar).
B spør: "Was machst du da?"
A må seie noko anna enn det hen faktisk gjer, til dømes: "Ich fotografiere."
No er det B sin tur. B mimar no det A nettopp har sagt (fotograferer). A spør: "Was machst du da?" B seier òg noko anna enn det hen faktisk gjer, til dømes: "Ich zeichne."
A mimar at hen teiknar, og så vidare.
Etter ca. eit minutt signaliserer læraren at de skal byte partnar. For kvar ny runde aukar de tempoet på leiken. Kor raskt klarer de å mime og snakke?