Grammatikk: Kjønn på substantiv

Kva hugsar du om substantiv?

Snakk saman i par, og samanlikn så med informasjonen i boksen under.

Substantiv og kjønn

Eit tysk substantiv har ofte eit anna kjønn enn det tilsvarande norske. Du må derfor lære deg kjønnet på substantivet samtidig som du lærer ordet.

Men det finst nokre reglar som kan hjelpe deg. Dei gjeld ikkje nødvendigvis utan unntak, men sjansen din for å bruke substantivet rett aukar betrakteleg!

Hankjønnsord

• Mannlege personar: der Vater, der Onkel, der Cousin

• Mannlege yrkesutøvarar: der Elektriker, der Bäcker

• Substantiv som endar på -er: der Hamster, der Taschenrechner

• Vekedagar: der Montag, der Dienstag, der Mittwoch, der Donnerstag, der Freitag, der Samstag, der Sonntag

• Himmelretningar: der Westen, der Süden, der Norden, der Osten

• Tider på dagen: der Morgen, der Mittag, der Vormittag, der Nachmittag, der Abend (unntak: die Nacht)

Finn ut!

Substantiva die Mutter, die Schwester og die Tochter endar alle på -er. Likevel er dei ikkje hankjønnsord. Kan du tenke deg kvifor?

Øving 1

Finn hankjønnsorda. Vel mellom interaktiv oppgåve og vanleg tekstversjon.

Hokjønnsord

• Kvinnelege personar: die Mutter, die Tochter, die Oma

• Kvinnelege yrkesutøvarar: die Elektrikerin, die Bäckerin

• Substantiv som endar på -e: die Toilette, die Sprache, die Frage

• Substantiv som endar på -ung: die Entschuldigung, die Ausbildung

• Substantiv som endar på -ie: die Chemie, die Biologie

• Substantiv som endar på -ik: die Musik, die Physik

Finn ut!

Substantivet der Junge (gut) endar på -e, men er likevel hankjønnsord. Kva regel overstyrer her regelen om at ord på -e er hokjønnsord?

Øving 2

Finn hokjønnsorda. Vel mellom interaktiv oppgåve og vanleg tekstversjon.

Inkjekjønnsord

• Substantiv som er namn på "ungen" til menneske eller dyr: das Baby, das Kind, das Kalb

• Substantiv på -chen: das Mädchen, das Kaninchen

• Substantiv på -um: das Zentrum, das Museum, das Studium

• Substantiv på -ment: das Instrument, das Parlament

• Substantiv på -o: das Auto, das Kino

• Substantiv som er laga av infinitivforma av verbet: das Lesen, das Leben

Finn ut!

Mädchen er eit inkjekjønnsord. Kvifor kan dette verke litt merkeleg?

Øving 3

Finn inkjekjønnsorda. Vel mellom interaktiv oppgåve og vanleg tekstversjon.

Øving 4

Hugsar du reglane for kjønn på tyske substantiv? Test deg sjølv!