Er karikaturteikningar og satire nødvendig i eit demokrati?
Oppgåve 1–4 kan du løyse individuelt, men det er lurt å diskutere med ein medelev når du har svart på alle oppgåvene. Før du startar, bør du ha lese artikkelen "Karikatur og satire".
Vidkun Quisling besøkjer føraren i Berlin, strekkjer ut armen til nazihelsing og seier: "Jeg er Quisling!". Dørvakta spør deretter: "Og navnet?"
Kven var Vidkun Quisling?
Kva legg du i namnet Quisling?
Kvifor spør dørvakta om namnet til Quisling?
Finn døme på gode og dårlege karikaturar. Kva gjer desse gode eller dårlege? Kven er karikaturane retta mot?
Kan karikaturar bli for slemme?
I 2015 blei den franske satireavisa Charlie Hebdo utsett for ei terrorhandling knytt til avisa si publisering av karikaturteikningar som skulle førestille islams profet Muhammed.
Kvifor blei menneske såra og provoserte av desse karikaturane? Kva var spesielt med desse teikningane?
Drøft om det er greitt å publisere karikaturar som kan såre andre menneske.
Burde retten til å drive satire og publisere karikaturar vere avgrensa? Korleis vil det i så fall påverke retten til ytringsfridom?
La oss seie at satire og karikaturar hadde blitt forbodne i Noreg. Korleis ville det ha påverka demokratiet vårt?
Drøft følgjande påstand: Bør karikaturar og satire alltid sparke oppover? Med det er meint å rette kritikk mot nokon som står høgare i samfunnet enn skaparen av karikaturen eller dei hen representerer.
Karikatur (2020, 30. oktober). I Store norske leksikon. Henta frå https://snl.no/karikatur
Sørheim, E.P. (2021). Karikaturenes historie. Fra hulemaleri til Charlie Hebdo. Oslo. Humanist forlag AS.