Lag din eigen graf over ytringsfridommens historie
Du skal bruke artikkelen "Ytringsfridommens historie" for å løyse oppgåva. Les artikkelen før du startar på oppgåva.
Set dykk saman parvis eller i små grupper. I denne oppgåva skal de bruke læringsstrategien "levande graf" av historiedidaktikar Erik Lund.
De skal gruppevis teikne ein historisk graf som viser korleis utviklinga av ytringsfridom har utvikla seg over tid. Grafen skal innehalde ein tidsakse (x-aksen) og ein "verdiakse" (y-aksen). Verdiaksen skal vise ein skala frå 1–10 som illustrerer grad av ytringsfridom. Verdien 10 viser at det er full ytringsfridom utan avgrensingar. Verdien 1 viser svært lite ytringsfridom.
Lag ein graf som viser korleis ytringsfridommen har utvikla seg frå 1750 til i dag. Ta utgangspunkt i Noreg.
Vel ut minst to hendingar de meiner har påverka utviklinga i stor grad, anten positivt eller negativt.
Alle para eller gruppene presenterer grafen sin for resten av klassen. Del kva de har funne ut. Kva to hendingar har de valt å framheve? Kvifor har de valt nettopp desse to?
Lund, E. (2006). Tren Tanken. Læringsstrategier og læringsstiler i samfunnsfag. Håndbok til Aschehougs samfunnsfagserie for ungdomstrinnet. Aschehoug.
Relatert innhald
Korleis har tanken om ytringsfridom utvikla seg i Europa og Noreg fram til i dag?