Psykisk helse i Rådebank

Sjå filmen over og svar på spørsmåla:

1. Kvifor trur de det er så vanskeleg for Robert Nilsen å fortelje om problema sine til vennen Glenn-Tore?

2. Kvifor trur de Robert vel å fortelje om problema sine til Glen Tore?

3. Kva synest de om måten Glenn-Tore prøver å hjelpe Robert på?

4. Er det vanskelegare for gutar enn for jenter å snakke om psykisk helse? Kvifor? / Kvifor ikkje?

5. I serien reagerer Hege på sjølvmordet til vennen på ein annan måte enn dei andre. Kvifor trur de vi reagerer så ulikt når vi møter psykiske utfordringar?

6. Korleis kan seriar som Rådebank hjelpe dei som har, eller kjenner nokon som har, psykiske utfordringar?

7. Ifølge filmen kan vi redusere sjølvmord blant unge menn viss fleire lærer seg å handtere kjærleikssorg, økonomisk usikkerheit og det å leve heilt vanlege liv. Kvifor trur de at desse utfordringane kan vere spesielt vanskelege å takle for mange gutar?

Vel ein sesong eller ein episode av Rådebank. Sjå han først, og så bruker de han til å reflektere over psykisk helse.

Tips til sesongar og episodar de kan jobbe med :

• Sesong 1 handlar om kjærleikssorg.

  • Episode 8 "Rådebank" handlar om å takle kjærleikssorg.

• Sesong 2 handlar om økonomisk usikkerheit og sjølvmord.

  • Episode 4 "Pokerfjes" handlar om årsaker til sjølvmord.

  • Episode 5 "Klovner i kamp" handlar om korleis venner og familie taklar sjølvmord.

• Sesong 3 handlar om det å handtere kvardagslivet.

Tips til spørsmål de kan jobbe med:

• Kva psykiske utfordringar møter ungdommane?

• Kor vanleg er det å møte på slike utfordringar i dei miljøa de kjenner til?

• Korleis vel ungdommane å løyse utfordringane?

• Reflekter over måten ungdommane i serien valde å løyse utfordringane sine på. Løyste dei dei på ein god eller dårleg måte? Kva blei konsekvensane av valet deira? Kva kunne dei ha gjort annleis?