På rundtur i bussen

Køyretøyforskrifta §8 deler bussar med over 22 passasjerplassar inn i tre ulike klassar:

• Bussar i klasse 1 har ståplassar slik at det er mogleg med hyppig av- og påstiging.

• Bussar i klasse 2 er hovudsakleg innretta med sitteplassar, men dei også kan ta med nokre ståande passasjerar. Bybussar er vanlegvis bussar i klasse 2.

• Bussar i klasse 3 har berre sitteplassar, ingen ståplassar. Turbussar og ekspressbussar er typiske bussar i klasse 3.

Bussar med sitteplassar, altså bussar i klasse 2 og 3, har krav om bilbelte. Detaljerte reglar for dette finst i køyretøyforskrifta §16-3.

Bli med på ein rundtur i og utanfor ein bybuss i klasse 2! Flytt deg rundt i bussen for å sjå på utstyr og funksjonar som du må kjenne til.

Det er strenge krav til teknisk, digitalt og manuelt utstyr i ein buss. Dette utstyret skal vere på plass:

• Brannsløkkar

• Alkolås

• Førstehjelpsutstyr

• Nødhammarar

• Sikringsbelte

• Video-overvaking

• Nødopnarar og nødutgangar

• Kjettingar

Følg ein sjåfør som gjennomfører dagleg kontroll av buss.