Hydraulisk framdriftsanlegg

Situasjonsbeskriving

Du er industrimekanikar og tilsett i eit selskap som driv med mineralutvinning.

Ein maskinoperatør har meldt inn feil på framdrifta til ei produksjonsmaskin, og du har fått i oppdrag å feilsøke og utføre nødvendig reparasjon på maskina.

Når du kjem fram til maskina, oppdagar du

• at beltet på den eine sida ikkje fungerer som det skal, noko som medfører at maskina trekker til den eine sida ved køyring

• ein lekkasje frå ein hydraulikkslange til drivrullen

• at medbringarrullen har stor radial og aksial slakk, og du konstaterer lagerhavari

• at det ikkje finst delar på lager, og det er for lang leveringstid til å vente på nye delar. For å halde produksjonen ved lag blir det derfor avgjort at du bruker ei mellombels løysing.

• undervegs i arbeidsprosessen at lagerbanar i medbringarrullen er defekte, og du må montere nye kulelager med større ytre diameter

Omfanget av oppdraget

Arbeidsoppdraget blir omfatta av følgande punkt:

• demonter medbringarrullen, og utfør tilpassingar for nye kulelager

• monter lager og tetningar i medbringarrullen

• bestill og monter ny hydraulikkslange

• utfør sluttkontroll med dokumentasjon

Oppgåve

Beskriv korleis du vil planlegge, gjennomføre og dokumentere oppdraget.

I svaret er det viktig at du tenker på

• HMS og SJA

• kommunikasjon

• vedlikehaldsrutinar

• måleskjema og toleransar

• sluttkontroll

Svar på oppgåva her

Svar på oppgåva ved å skrive svarteksten din i tekstboksane som kjem opp på kvar side.

På siste side kan du skrive ut eit samandrag av svara dine.

Oppgåva vart gitt i 2022 som eksamen i industrimekanikarfaget etter læreplanen for Kunnskapsløftet 2006, men innhaldet er framleis relevant etter læreplanen for Kunnskapsløftet 2020.