Tareas: Diferencias culturales

Skriv eit innlegg på nettsida til ein utvekslingsorganisasjon.

Sjå for deg at du er ein utvekslingselev frå Spania, og du har fått i oppdrag å skrive eit innlegg om opphaldet i Noreg. Det skal publiserast på nettsida til ein utvekslingsorganisasjon, og målgruppa er spanske ungdommar som vurderer å reise til Noreg.

Teksten din bør innehalde informasjon om

• deg sjølv

• korleis du har det i Noreg, og korleis det er å vere utvekslingselev

• likskapar og ulikskapar mellom Noreg og Spania, til dømes matvanar, døgnrytme og veremåte

• kva du saknar frå Spania

• kva du liker best med Noreg (og kjem til å sakne når du reiser)

• dine beste tips til å få ein god start på utvekslingsåret

Bruk gjerne det Carmen fortel i videoen som inspirasjon/utgangspunkt.

Jobb i par.

• Finn på ein situasjon der folk vil oppføre seg ulikt i Spania og i Noreg. Idéar finn de i videoen "Carmen, de España" og på oppgåvesida til Carmen, de España.

• Spel same situasjon to gonger: Ein gong slik folk ville oppført seg i Noreg, og ein gong slik dei ville oppført seg i Spania.

• Spel scenene for klassen.

• Medelevane gjettar: Er dette typisk spansk? Eller er det typisk norsk?

Bruk det du har lært om forskjellar og likskapar mellom norsk og spansk kultur, i ein avsluttande fagsamtale med læraren om temaet "Kulturelle forskjellar". Førebu deg til samtalen ved hjelp av spørsmåla nedanfor og snakke- og glosehjelpa.

Jobb gjerne i par. Førebu dykk til fagsamtalen med læraren ved å stille kvarandre spørsmål og svare. Under fagsamtalen snakkar de saman i par mens læraren lyttar, noterer og/eller gir dykk nokre læringstips og tilbakemeldingar.

¿Qué (dirías que) es típico de Noruega?

Kva (vil du seie) er typisk norsk?

¿Qué (dirías que) es típico de España?

Kva (vil du seie) er typisk spansk?

¿Qué piensas que los españoles consideran típicamente noruego?

Kva trur du spanjolar reknar som typisk norsk?

¿Cuáles son las mayores diferencias culturales entre Noruega y España?

Kva er dei største kulturelle forskjellane mellom Noreg og Spania?

¿Qué similitudes hay entre la cultura noruega y la cultura española?

Kva likskapar er det mellom norsk og spansk kultur?

¿Qué costumbre noruega crees que les parece rara/especial a los españoles? ¿Por qué?

Kva for ein norsk skikk/vane trur du spanjolar kan synast er rar/spesiell? Kvifor?

¿Qué costumbre española te parece rara/especial?

Kva for ein spansk skikk/vane synest du er rar/spesiell?

¿Qué costumbre española te gusta más? ¿Por qué? ¿Puedes imaginarte practicando esta costumbre?

Kva for ein spansk skikk/vane liker du spesielt godt? Kvifor? Kan du tenke deg å ta han i bruk sjølv?

¿Qué has aprendido trabajando con este tema?

Kva har du lært ved å jobbe med dette temaet?