Bøying og plassering av adjektiv
Samsvarsbøying
Norske adjektiv
På norsk bøyer vi adjektivet i samsvar med substantivet dei beskriv.
ein søt gut (hankjønn, eintal)
ei søt jente (hokjønn, eintal)
eit søtt barn (inkjekjønn, eintal)
søte gutar/jenter/barn (fleirtal)
Spanske adjektiv
Spanske adjektiv må òg samsvare med substantivet dei beskriv. Vi må bruke hankjønnsforma når det beskriv hankjønnsord, og hokjønnsforma når det beskriv hokjønnsord. Når adjektivet beskriv substantiv i fleirtal, må vi bruke fleirtalsforma i rett kjønn.
hankjønn | hokjønn | |
|---|---|---|
eintal | un chico guapo | una chica guapa |
fleirtal | unos chicos guapos | unas chicas guapas |
Å bøye adjektiv
Når du slår opp eit adjektiv i ordboka, får du det oppgitt i hankjønnsform. Skal du bruke det saman med eit hokjønnsord eller eit ord i fleirtal, må du vite korleis du bøyer det.
Adjektiv i eintal
Adjektiv som endar på -o i hankjønn, endar på -a når dei står saman med eit hokjønnsord:
un hombre alto – unu mujer alta
el niño guapo – la niña guapa
Adjektiv som endar på -e eller konsonant, er like anten dei beskriv eit hankjønnsord eller eit hokjønnsord:
un profesor amable – una profesora amable
el chico feliz – la chica feliz
Unntak: Nasjonalitetsadjektiv som endar på konsonant, får ein -a i hokjønn:
un hombre español – una mujer Española
el vino alemán – la bandera alemana (merk at aksenten fell bort)
¡OJO!
Av og til bruker vi adjektiv for å beskrive nokon utan å nemne substantivet først. Då må vi likevel bøye adjektivet etter kjønnet på det vi beskriv.
Soy rubia. Eg er blond. (jente/kvinne)
Es simpático. Han er hyggeleg. (gut/mann)
Eres alto. Du er høg. (gut/mann)
Es guapa. Ho er fin. (jente/kvinne)
Adjektiv i fleirtal
Skal du beskrive eit substantiv som står i fleirtal, treng du fleirtalsforma av adjektivet.
Når eit adjektiv endar på vokal, legg vi til ein -s på endinga for å få fleirtalsforma:
alto/alta – altos/altas
guapo/guapa – guapos/guapas
amable – amables
Adjektiv som endar på konsonant, får endinga -es i fleirtal. NB! Når eit adjektiv endar på -z i eintal, blir denne bokstaven gjort om til c i fleirtal:
similar – similares
feliz – felices
¡OJO!
Adjektiv som beskriv fleire substantiv av ulikt kjønn, får hankjønnsform i fleirtal:
Juana y Pedro son simpáticos.
Mi tía y mi tío son muy altos.
Øving 1: Samsvar i kjønn og tal
Øv på å bøye adjektiv i kjønn og tal.
Øving 2: Vel rett form av adjektivet
På framsida av kvart kort er det ei setning med to former av adjektivet, men berre éi av formene er rett.
Les setninga, avgjer kva form som skal brukast, og grunngi svaret ditt.
Snu kortet og samanlikn med fasiten før du held fram med neste kort.
Plassering av adjektiv
På spansk plasserer vi vanlegvis adjektivet bak substantivet det beskriv. På norsk er det omvendt: Her plasserer vi adjektivet framfor substantivet.
un chico guapo (ein fin gut)
dos chicas altas (to høge jenter)
el bosque oscuro (den mørke skogen)
Øving 3: Plassering av adjektiv
Øving 4: Rett eller feil?
Les setninga på framsida av kortet og avgjer om adjektivet er plassert rett eller feil. På baksida står det correcto viss adjektivet er plassert rett, og incorrecto viss det er plassert feil.
Tips: Vel i-ikonet for å få den norske omsetjinga av setninga.
Øving 5: Omsetjing
Set om setningane på dialogkorta frå norsk til spansk. Hugs rett bøying og plassering av adjektivet!
Vel i-ikonet om du treng litt glosehjelp.
Øving 6: Kva hugsar du?
Hugsar du reglane for samsvarsbøying og plassering av adjektiv? Les spørsmålet på framsida av kortet og formuler eit svar. Snu kortet og samanlikn med fasiten.