Fagstoff
Representant på LilleStortinget
Her er ei oversikt over kva som er ansvaret ditt som representant på LilleStortinget.
På Stortinget sit det 169 representantar som skal representere sitt parti og sitt heimfylke.
Vi håper du har fått den rolla du ønsker deg og at du gler deg til å tre inn i ho. Det er nokre viktige ting som du bør tenkje på uansett kva rolle du har:
- Spel rolla di.
- Ver aktiv i politiske debattar og politisk arbeid.
- Sett deg inn i hovudsakene til partiet ditt, og skaff deg kunnskap om dei sakene som er til behandling i din komité.
- Gjer bestet ditt som representant for partiet ditt og ver lojal.
HUGS! Det er meiningane til partiet ditt som du skal stå for og forsvare, ikkje dine eigne!
I tillegg til det som er samla her om rolla di, må du ha oversikt over kva som skjer når. Det får du i skulen sitt eige program. Du bør òg setje deg inn i dei relaterte artiklane som ligg nedst i denne artikkelen.
Rolla di som representant på LilleStortinget
Som stortingsrepresentant har du ei viktig rolle fordi du representerer dei folkevalde. Du tek del i partigruppemøta og i fagkomitémøta.
Som representant er det viktig:
- at du som representanten til partiet i komitémøta kjenner til standpunktet til partiet ditt i sakene og at du fremjar meiningane til partiet ditt
- at du veit korleis du skal røyste i kvar einaste sak når sakene skal til votering på dag 2
- at du deltek aktivt i komitémøta
- Ta gjerne ordet under debattane i LilleStortinget.