Guktie lööneme-baakoeh tjaeledh
Saemien Gïelegaaltije
Saemiedigkieh Nöörjesne, Sveerjesne jïh Soemesne jïh Noerhtelaanti Saemien Parlamentarihkeles Raerie laavenjostoeh ihke saemien gïelide vaarjelidh jïh gorredidh. Dah Saemien Gïelegaaltijem tseegkeme juktie gïele-viehkiem faalehtidh jïh gïele-faageles gyhtjelassh jïh aamhtesh gïetedidh jïh evtiedidh. Daate orgaane orre baakoeh, tjaeleme-vuekieh, gïele-såjhtoem, j.v. jååhkesje.
Saemien Gïelegaaltije åarjel-saemien gïele-dåehkiem åtna. Gaajhkesh maehtieh dïsse tjaeledh jïh gihtjedh ovmessie gïele-aamhtesi bïjre. Orgaanen lea gaskevierme-sijjie gusnie maahtah gihtjedh jïh bïevnesh åadtjodh. Maahtah gyhtjelassem aaj seedtedh Facebook:sne, Instagram:sne jallh e-påastine.
Vielie bïevnesh daesnie gaavnh: Saemien Gïelegaaltije
Guktie lööneme-baakoeh tjaeledh
Dah ammes baakoeh mejtie mijjieh saemien-gïelese löönebe, dah ammes gïeli tjoeje-systeemijstie båetieh. Saemien-gïele lea soemen-ugrijken gïele jïh uraalen gïele-maadtoste. Daaroen-gïele lea indo-europeijen gïele, seamma gïele-dåehkesne goh englaanten gïele jïh jeatjah europeiske gïelh. Dellie ij leah dan aelhkie daejredh guktie orre baakojde tjaeledh saemien-gïelesne.
Jaepien 2011 Saemien Gïelegaaltijen åarjelsaemien gïeletjïerte jååhkesji guktie lööneme-baakojde tjaeledh. Jååhkesjimmien mietie edtjebe baakoej minngie-gietjide (lööneme suffikside) sjïehtedidh juktie hijven gåarede baakojde sojjehtidh saemien sojjehtimmie-systeemen mietie. Jaepien 2026 gïeletjïerte suffikse-læstoem orrestehti.
Daaroen suffiksh | Saemien suffiksh | |||
|---|---|---|---|---|
–ade | sjokolade | → | –aade | sjokolaade |
–al | normal | → | –aale | normaale |
–anse | toleranse | → | –aanse | toleraanse |
–ant | debutant | → | –aante | debutaante |
–at | separat | → | –aate | separaate |
–ell(e) | kulturell | → | –elle | kulturelle |
–anse | konferanse | → | –aanse | konferaanse |
–ent | student | → | –eente | studeente |
| –er | meter | → | –ere | meetere |
| –ere | studere | → | –eeredh | studeeredh |
–eri | batteri | → | –erije | batterije |
–ikk | grammatikk | → | –ihke | grammatihke |
–il | mobil | → | –ijle | mobijle |
–isme | egoisme | → | –isme | egoisme |
–itet | identitet | → | –iteete | identiteete |
–iv | substantiv | → | –ijve | substantijve |
–io | studio | → | –ijove | studijove |
–jon | nasjon | → | –jovne | nasjovne |
–or | rektor | → | –ovre | rektovre |
–ur | kultur | → | –uvre | kultuvre |
–yre | frisyre | → | –yjre | frisyjre |
| –ør | frisør | → | –ööre | frisööre |
| –ær | militær | → | –eere | militeere |