Fagstoff
Læhkoem bovtsigujmie
Julia Axmann, Gåebrien sïjteste, soptseste guktie saemieh darjoejin juktie læhkoem bovtsigujmie utnedh.
Læhkoem bovtsigujmie
Båadtsh bovtsen måaroeh åtna jïh galka slaavvodh, dellie ij edtjh båeltedh. Jis naagen gaaltije-sleabpa dellie dïsse guedtedh jïh seedtedh. Jis ij leah dagkeres sleabpa, dellie kroehkedh akten morhte-saajsese.
Ij edtjh goelkh gan båeltedh; dejtie guedtedh jïh seedtedh gasngese-hagkese. Jis galka læhkoem bovtsese utnedh, dellie galka numhtie daajhtodh.
Seahkoen guehperh galka aaj numhtie jöörtedh. Voestegh galka dah guehperh mïerhkesjidh. Dellie jeenjh bovtsh bååstide fihkie.
Gosse bovtsen tjelmiem galka maatadidh jïh gosse tjelmie-måaroem lea sohpeme, dellie provhkimh dam veelkes tjelmiem (dam gaahkam) vaeltedh, dan ohtje tjelmie-krogkese diedtehte dam veelkes tjelmiem, dan dïehre guktie jeenjh bovtsh galka fihkedh.
J.A. 1941