Barkh teemine Gievrie jïh nåajtome
Lohkh teekstem Gievrie jïh nåajtome jïh veeljh laavenjassh mejgujmie sïjhth barkedh.
1. laavenjasse
Veeljh barkedh Freavnantjahken-gievrine (Frøyningsfjelltromma/ Folldalstromma) vuj Njaarke-Næjlan gievrine (Bindalstromma).
Lohkh gievrien bïjre Wikipedia-sæjrosne jïh vaestedh.
Tjaelieh guvviej bïjre mah gievresne.
Veeljh golme gievrien guvvijste jïh buerkesth daejtie sjïerelaakan. Mah åssjalommesh datne vïenhth dej duekesne.
Dah saemieh gïeh gievride åtneme jïh nuhtjeme dejtie gievrie-guvvide ånnetji jeatjahlaakan buerkiestamme. Dotkije Ernst Manker guvviej bïjre tjaaleme jïh toelhkestamme. Buerkesth mah joekehtsh dej gaskem.
Maam maehtebe gievrien guvvijste guarkedh saemien veartenen jïh veartene-vuajnoen bïjre? Buerkesth maam datne ussjedh.
2. laavenjasse
Maam gievrieh mijjese soptsestieh saemien kultuvre-histovrijen bïjre? Mah gievrien guvvieh saemien tjaeleme-histovrije dovne?
Buerkesth jïh tjaelieh maam datne ussjedh dan bïjre.
3. laavenjasse
Man åvteste noerhte-laanti staati åejvieladtjh jïh hearrah jeehtin gievrie «Bahhan dïrrege»? Ohtsedh bïevnesh gaske-viermesne jïh tjaelieh åenehkslaakan maam datne gaavnh.
4. laavenjasse
Vuartesjh NRK-reportasjem Gievrien feeleme 300 jaepiej tjïrrh.
Gåabph dah saemien gievrieh sjïdtin jïh mannasinie? Ohtsedh bïevnesh gaske-viermesne jïh tjaelieh åenehkslaakan maam datne gaavnh.
5. laavenjasse
Lohkh Bååstede-latjkoen bïjre Norsk folkemuseumen nedte-sæjrosne.
Gåabph dah åarjel-saemien daeverh bååstede seedtesuvvieh?
Man åvteste vihkele saemide muvhth gievrieh bååstede Saapman dåastodh, dov mïelen mietie?
Buerkesth jïh tjaelieh maam datne ussjedh.