Saavreme

1. Goltelh jïh lohkh

- Maam datne lyjhkh eeremes saavredh?

- Eeremes lyjhkem vaarredh. Nååts datne?

- Manne lyjhkem aaj vaarredh, mohte buerebe lyjhkem voejedh.

- Maam datne lyjhkh eeremes saavredh?

- Lyjhkem basket-tjengkerem eeremes spealadidh. Nååts datne?

- Manne lyjhkem basket-tjengkerem aaj spealadidh, mohte buerebe lyjhkem juelkie-tjengkerem tjïektjedh.

- Maam datne lyjhkh eeremes saavredh?

- Lyjhkem basket-tjengkerem eeremes spealadidh. Nååts datne?

- Manne lyjhkem basket-tjengkerem aaj spealadidh, mohte buerebe lyjhkem goetsedh.

2. Goltelh, lohkh jïh vaestedh

Maam datne lyjhkh eeremes saavredh?

Lyjhkem eeremes goetsedh.

Man gellien aejkien våhkosne datne provhkh goetsedh?

Göökten aejkien.

Vaestedh gyhtjelasside

1. Vuartesjh guvviem. Maam dïhte lyjhkoe saavredh?

2. Man gellien aejkien våhkosne dïhte pråvhka goetsedh?

3. Goltelh, lohkh jïh vaestedh

- Maam dåtnoeh lyjhkeden saavredh?

- Månnoeh lyjhkoen skåajjesne mïnnedh.

- Provhkeden ektesne mïnnedh?

- Jaa hævvi, ektesne mïnnedh lea joekoen murrede.

Vaestedh gyhtjelasside

1. Maam dah guaktah lyjhkoejægan saavredh?

2. Mannasinie provhkijægan ektesne mïnnedh?

4. Goltelh, lohkh jïh vaestedh

- Maam dijjieh eeremes lyjhkede saavredh?

- Mijjieh eeremes lyjhkebe tjoejkedh.

- Gubpene dellie?

- Eeremes vaeresne. Daelvege provhkebe vaeresne tjoejkedh fïerhten hïeljen.

- Provhkede fïerhten aejkien ektesne tjoejkedh?

- Jaavoe.

- Mannasinie?

- Dannasinie joekoen murrede jïh luste aaj.

Vaestedh gyhtjelasside

1. Maam dah eeremes lyjhkoeh saavredh?

2. Gubpene?

3. Mannasinie dah pruvhkieh ektesne tjoejkedh?

5. Goltelh, lohkh jïh vaestedh

- Maam datne lyjhkh saavredh?

- Im lyjhkh saavredh.

- Maam dellie eeremes lyjhkh eejehtimmesne darjodh?

- Manne eeremes lyjhkem gærjah lohkedh. Fïerhten aejlegen provhkem gærja-gåetesne mïnnedh.

- Oktegh jallh voelpi ektine?

- Oktegh.

- Mannasinie?

- Dannasinie manne raeffiem daarpesjem.

Vaestedh

1. Maam dïhte eejehtimmesne lyjhkoe darjodh?

2. Gusnie dïhte pråvhka mïnnedh fïerhten aejlegen?

3. Mannasinie dïhte oktegh desnie?

6. Goltelh jïh vaestedh

7. Darjoeh laavenjasside

8. Soptsesth

Fortell.

Lag setninger med ord fra skjemaet nedenfor. Husk å bøye verbene lyjhkedh og provhkedh etter riktig person.

For eksempel:

• Fïerhten biejjien manne oktegh lyjhkem tjoejkedh.

• Göökten aejkien våhkosne mijjieh laagen ektine provhkebe saavredh.

9. Goltelh, lohkh jïh ussjedh

Mannasinie saavredh?

Datne lyjhkh saavredh? Maam datne lyjhkh saavredh? Man gellien aejkien våhkosne datne saavrh? Provhkh fïerhten biejjien saavredh? Vïjhten aejkien våhkosne? Golmen aejkien våhkosne?

Joekoen hijven saavredh, almetjh jiehtieh. Vïtnedimmie lea tæjmoe-soejkesjisnie dovne studijeryöjreden jïh barkoefaageles programmesne. Skuvlen mænngan, iehkeden jallh hïeljen, gellie noerh saavreme-gåetesne minnieh. Mannasinie dan hijven saavredh? Saavreme lea hijven dannasinie datne saavrehke sjïdth jïh dov healsoe buerebe sjædta. Saavreme aaj hijven dannasinie datne fahkes skuvlesne sjïdth guktie datne buektehth lohkedh, ryöknedh, lohkehtæjjam goltelidh jïh dellie jïjnjem skuvlesne lïerh.

Healsoedirektoraate jeahta: «Maanah jïh noerh tjuerieh 60 minudth jallh vielie fïerhten biejjien svïhtjedh. Golmen aejkien våhkosne tjuerieh dan tjarki saavredh guktie veaksahkåbpoe jïh saavrehke sjidtieh. Ij leah vihkele magkerh saavremh, gaajhkesåarhts saavremh hijven. Ij leah hijven fer jïjnjem tjahkasjidh».

10. Soptsesth

Fortell om forholdet ditt til trening. Bruk spørsmålene og svaralternativene nedenfor.

1. Lyjhkh saavredh?

   • jaavoe

   • ijje

   • muvhten aejkien

   • gellien aejkien

2.  Provhkh saavredh?

   • fïerhten biejjien

   • njieljien aejkien våhkosne

   • göökten aejkien våhkosne

   • akten aejkien våhkosne jallh ij gåessie-gan

   • Mannasinie datne saavrh?

3. Mannasinie datne saavrh?

   • dannasinie sïjhtem saavrehke sjïdtedh

   • dannasinie buerebe healsoem åadtjoem

   • dannasinie manne voelpi ektine saavrem jïh luste dïhte

   • dannasinie luste

4. Sïjhth dov saavremem juvnehtidh?

   • jaavoe, dam eepts-eereme juvnehtem

   • jaavoe, hijven fïerhten biejjien

   • ajve gosse luste domtoe

   • muvhten aejkien

5. Maam datne eeremes saavrh?

   • juelkietjengkerem tjïektjem

   • vaarrem

   • tjoejkem

   • saavreme-gåetesne mïnnem

   • vaeresne vaadtsam

   • sygkeldem

6. Provhkh oktegh saavredh, fuelhkien ektine jallh voelpi ektine?

   • oktegh

   • fuelhkien ektine

   • voelpi ektine

   • laagen ektine

   • muvhten aejkien oktegh jïh muvhten aejkien voelpi ektine

11. Tjaelieh

Skriv en tekst hvor du besvarer spørsmålene under.

• Maam datne eeremes lyjhkh saavredh?

• Man gellien aejkien våhkosne datne provhkh saavredh?

• Gåessie provhkh saavredh?

• Datne oktegh jallh muebpiejgujmie lyjhkh saavredh?