Domtesh jïh klaerieh

1. Goltelh lohkh jïh vaestedh

Klaerieh

Voejhkelh veartenem bielelen klaerieh vuejnedh – kraevies veartene bielelen aavoe. Klaerieh leah vihkeles mijjen biejjieladtje jieliedisnie. Klaerieh maehtieh mijjem geerjehtidh jallh håjnoehtidh, dah maehtieh mijjese tjåarvodh jallh mijjem jaskoehtidh.

Fïerhte almetje "sov" lyjhkede-klaerieh åtna. Datne lih bååhperosteme jis daajreme man jïjnjem datne maahteme soptsestidh klaeriejgujmie.

Vaestedh

1. Mah klaeride datne vuajnah gosse baakoem «veartene» govlh?

2. Mah domtesidie "bielelen aavoe"?

3. Mah klaeride maehtieh dutnjien tjåarvodh?

4. Mah klaeride maehtieh datnem jaskoehtidh?

5. Mij dov lyjhkede-klaerie?

2. Darjoeh laavenjasside

3. Vaestedh

1. Maam datne vuajnah?

2. Guktie saemien saevegem buerkiestidh?

Baakoeh:

klaerieh, hammoe, njieljie-skaavhtege, gaavnjoeh, gievlie, bielie, biehkie

1. Mah klaeride datne vuajnah?

2. Guktie domth gosse daam guvviem vuajnah?

Båalojne tjaalaldihkie:

Saemesth munnjien

Gïelem lïerem

1. Mah klaeride datne vuajnah?

2. Guktie domth gosse daam guvviem vuajnah?

4. Goltelh, lohkh jïh vaestedh

Klaerieh leah tjoevkesh mejtie mijjen tjelmieh vuejnieh goh klaerieh. Jïjjen gosse sjuevnjede dellie geerve klaeride vuejnedh. Klaerieh maehtieh galmes jallh bïjvele mijjese vååjnedh.

Vaestedh

1. Gosse datne gïese akt gearoeh jallh giem akt eahtsah, mah klaeride datne dellie vuajnah?

2. Gosse datne måarehke jallh håjnan, mah klaeride dellie vuajnah?

5. Goltelh jïh lohkh

Åarjel-saemien gaptan klaerieh

Kruana klaerie lea sjïdtedimmien klaerie. Klaerie aaj maanide jïh noeride. Dovne baernieh jïh nïejth dam kruana klaeriem utnieh. Akte læstoe mij maahta kruana jallh rööpses årrodh, vuesehte nïejth leah skearkegeminie.

Rööpses klaerie vïrrem vuesehte jïh lea nyjsenæjjan klaerie. Nïejti/nyjsenæjjaj boenge-skuvmie jïh tjohpe leah rööpses.

Plaave klaerie tjaetsiem vuesehte jïh lea kaarren klaerie. Baerniej/kaarri boenge-skuvmie jïh tjohpe leah plaave.

Viskes klaerie elmie-faamoem vuesehte. Biejjie tjoevkesem jïh baahkem vadta, jïh viskes lea biejjien klaerie. Biejjie iktesth vihkeles orreme almetjidie jïh kreekide eatnamisnie. Biejjie jïh dan faamoe leah gievrien gaskesne.

6. Vaestedh

1. Mij lea gapta?

2. Mah klaeride datne vuajnah gosse gaptan bïjre ussjedh?

3. Guktie datne domth gosse almetjem råakh gaptine gåårveldihkie?

4. Man åvteste mijjieh maehtebe jiehtedh kruana sjïdtedimmien klaerie?

5. Mah leah læstoeh?

6. Mah klaeride maehtebe læstojde utnedh?

7. Mij lea vïrre?

8. Rööpses klaerie, mij dïhte vuesehte?

9. Plaave klaerie, mij dïhte vuesehte?

10. Mij lea elmie-faamoe?