Fagstoff
Video
Homofili
Homofili var forbode i Noreg fram til 1972. I enkelte religiøse miljø er dette framleis eit omdiskutert tema, sjølv om homofile generelt er mykje meir aksepterte i dagens norske samfunn enn dei var for 50 år sidan. Revygruppa på Elvebakken vidaregåande skule snakkar saman om synet sitt på homofili.
Sjå filmen (lengde 6:04) og jobb med oppgåvene under.
Video: Applaus! Film & TV / Avgrensa gjenbruk
Noter ned dei viktigaste argumenta som kjem fram i filmen og del dei i to grupper:
- positiv til homofili
- negativ til homofili
- Korleis blir religion brukt til å grunngi standpunkta i diskusjonen?
- Kva for andre argument blir brukt i debatten rundt homofili? Finn døme frå begge sider.
- Den eine kristne eleven i filmen seier at han kjenner skam når han høyrer frå andre kristne at homofili er syndig. Kvifor trur du han reagerer slik?
Snakk saman om temaet i klassen eller i grupper. Fokuser på følgjande punkt:
- Kvifor trur de homofili vekkjer så sterke kjensler og så mykje debatt?
- Homofili var i Noreg klassifisert som ein sjukdom og forbode heilt fram til 1972. Kva kan ha vore årsakene til dette?
- Bør homofile ha akkurat dei same rettane som heterofile, til dømes når det gjeld ekteskap og adopsjon?
- Somme religiøse grupper har eigne program for å “lækje” homofile. Undersøk: Er det tillate å drive såkalla “homo-terapi” på religiøst grunnlag?