Skap klesdesign i papir

Finn ein stilperiode de vil la dykk inspirere av. Lag eit moodboard som viser kva som er typisk for denne perioden. Bruk element frå stilarten til å skape eit moderne klesdesign.

Materiell:

• Byster
• Papir i ulike kvalitetar og fargar
• Sakser, nåler og tape
• Band, viss de ønskjer å bruke det

Gruppearbeid

I filmen over jobbar elevane saman to og to, men det går fint å vere fleire.

• Bli einige om eit tema, ei målgruppe for klesdesignet og korleis de vil bruke element frå stilperioden de har valt.

• Eksperimenter med fargar og materiale.

• Jobb direkte på bysta og skap eit klesdesign ved hjelp av papiret de har tilgjengeleg.

• Vurder klesdesignet de har laga.

• Korleis kan vi sjå inspirasjonen frå stilperioden de har valt?

• Korleis fungerte arbeidsprosessane og samarbeidet i gruppa?

Samarbeid om å lage ei utstilling. Ta gjerne med moodboarda slik at de kan vise fram samanhengen mellom klesdesignet og stilperioden de blei inspirerte av.