Oppgave
Oppgåver til filmen Coco før Chanel
Coco Chanel skapte ein heilt ny stil. I filmen blir vi kjende med henne før ho slo gjennom som designar. Ho trassa forventningane til korleis kvinner skulle kle seg og oppføre seg. Finn ut kva motedesignaren Chanel er kjend for, og bruk inspirasjon frå filmen til å utvikle eigne idear.
Audrey Tautou som Coco Chanel i filmen Coco før Chanel. Bilete: Norgesfilm AS, SF Norge / Avgrensa bruksrett
Filmen legg vekt på personlegdommen og kjærleikshistoria til Gabrielle «Coco» Chanel. Samtidig får vi eit inntrykk av klesmoten på starten av 1900-talet og korleis Chanel reagerte på denne moten.
- Beskriv klesmoten slik han blir vist i filmen.
- Korleis reagerer Coco Chanel på denne klesmoten?
- Filmen blir avslutta med ei motevising. Samanlikn klesstilen Chanel hadde utvikla, med klesmotane som blei viste tidlegare i filmen.
Dette fotografiet av Gabrielle «Coco» Bonheur Chanel er teke av Man Ray, fødd Emmanuel Radnitzky, i 1935. Bilete: Man Ray / CC BY-NC-SA 4.0
- Coco Chanel fornya og revolusjonerte motebiletet i samtida si. Finn ut kva ho er kjend for som motedesignar.
- Korleis tilpassa Chanel klede til ei ny kvinnerolle?
- Coco Chanel har sagt: «Mote er først og fremst eit spørsmål om stil. Mote kan bli umoderne, men stil, aldri.» Diskuter kva ho meinte med dette, og om de er einige i utsegna.
- Gå inn på nettsidene til motehuset Chanel og vurder kva de synest om stiluttrykket dei har i dag.
Vel eit klesplagg, ein frisyre eller ein gjenstand frå filmen. Bruk dette som inspirasjon og lag idéskisser til eit klesplagg, ein frisyre eller ein bruksting som kan passe til menneske i dag. Kommenter kva som inspirerte deg, og korleis du har tilpassa produktet til vår eiga tid.
Relatert innhald
Kjeldemateriale
Coco før ChanelEit portrett av ein av dei viktigaste moteskaparane i verda før ho vart verdskjend.