Frihandteikning – utstyr og analytisk teikning

Film: Frihåndstegning: Utstyr

Kristine Kandal-Ilagsmoen beskriv teikneutstyr i filmen under (lengde 2:30).

Blyantar

Blyantar finst i ulike hardleiksgrader. H står for hard og B for blaut. HB har middels hardleik. Jo høgare talet framfor B er, jo mjukare er blyet. Mjuke blyantar lagar ein tjukk og mørk strek, og er fine å bruke til skuggelegging, mens harde blyantar skaper tynnare, meir presise strekar.

Papir

Papir har ulik tjukne og struktur. Grovt papir kan gi ein fin effekt og passar til større format. Glatt papir eignar seg best til mindre og meir detaljerte teikningar.

Element frå analytisk teikning

Å teikne "analytisk" vil seie å kunne framstille former rett i forhold til kvarandre. Ved å bruke geometriske former som hjelpelinjer, kan du få hjelp til å forenkle og setje saman ulike delar av eit produkt.

Rundt bord

Når du ser ei sirkelform frå sida, opplever du hhenne som ein ellipse. Øv deg på rørsla når du teiknar sirklar og ellipsar, og la forma bli meir jamn og rund for kvar gong du prøver.

Film om å teikne eit rundt bord

I filmen under (lengde 3:27) viser Kristine korleis ho bruker heile armen, og korleis hjelpelinjer kan vere til hjelp, når ho teiknar eit rundt bord. Teikn svakt først, og korriger forma mens du arbeider. Pass på at armen er avslappa.

Film om å teikne ein trearma lysestake

I filmen under (lengde 3:45) plasserer Kristine ein lysestake inn i eit kvadrat slik at forma blir symmetrisk. Ein sirkel hjelper henne å teikne bogen.

Film om å teikne eit økseblad

I denne filmen (lengde 1:42) bruker Kristine element frå analytisk teikning når ho lagar ei skisse av eit økseblad.

Film om å teikne ei trapp med gelender

Kristine bruker geometriske former som ei ramme når ho teiknar ei trapp i parallellperspektiv i filmen under (lengde 4:38). Dette kan vere eit utgangspunkt for å jobbe med design til eit gelender.

Ta med deg denne måten å jobbe på når du skal lage og arbeide med eigne skisser og arbeidsteikningar.