Oppgave
Dokumentasjon med bruk av bilete og film
I denne oppgåva skal du dokumentere eigen arbeidsprosess og produksjon av eit produkt, ved bruk av digitale verkty. Du skal ta i bruk video og bilete i dokumentasjonsarbeidet. Ferdig produkt skal bli ein dokumentasjonsfilm.
Bilete: Shutterstock / CC BY-NC-SA 4.0
Ta for deg ei oppgåve som du har jobba med i programfag. Det er viktig at du har hatt ein god arbeidsprosess og eit ferdig produkt.
- Dokumenter prosessen ved bruk av film og bilete. Det er viktig å tenke kvalitet på bileta/ filmen i tillegg til komposisjon, heilskap, form og farge.
- Rediger bileta:
- Skjer til bileta, juster farge og liknande
- Eigna program kan vere Photoshop, Picasa, Paint.net, GIMP eller liknande
- Rediger filmane:
- Klipp til, ta vekk lyd og liknande
- Eigna program kan vere Movie Maker/ iMovie eller liknande
- Sett inn bileta saman med filmen du har redigert. Det er viktig å tenke rekkefølge - at innhaldet har ein logisk progresjon og struktur. Du bør ha eit bilete/ ein slide i starten av filmen som seier noko om kva oppgåve du har dokumentert, og du kan godt ha nokre overskrifter/ kommentarar undervegs (kan godt vere knytte til fagord innan form, materiale, fargeval...).
- Legg til lyd og andre verkemiddel for å få ein god film.
- Vis filmen for klassa, snakk om dei vala du har gjort med omsyn til redigering og verkemiddel i filmen i tillegg til val av digitale verkty.
- Ferdig dokumentasjonsfilm
Relatert innhald
Fagstoff
DokumentasjonDokumentasjon handlar om å beskrive kva du har gjort, og kva du planlegg. Det er viktig å dokumentere og kvalitetssikre eigen produksjon og kompetanse.