Oppgåve
Dokumentasjon med bruk av bilete og film
I denne oppgåva skal du dokumentere eigen arbeidsprosess og produksjon av eit produkt ved bruk av digitale verkty. Du skal ta i bruk video og bilete i dokumentasjonsarbeidet og lage ein kort film.
Vis idéutvikling, utprøvingar og korleis du har komme fram til det ferdige produktet.
Oppgåve
Dokumenter ei oppgåve du jobbar med i programfag. Du skal vise fram ein god arbeidsprosess og presentere eit ferdig produkt.
- Dokumenter prosessen ved bruk av film og bilete. Det er viktig å tenke heilskap og kvalitet på bilete og film, i tillegg til at du legg vekt på komposisjon, form og farge.
- Rediger bileta:
- Skjer til bileta, juster farge og liknande.
- Eigna program du kan bruke, er Photoshop, Picasa, Paint.net, GIMP eller liknande.
- Rediger filmane:
- Klipp til, ta vekk lyd og liknande.
- Eigna program du kan bruke, er Movie Maker / iMovie eller liknande.
- Sett inn bileta saman med filmen du har redigert. Det er viktig å tenke rekkefølge – at innhaldet har ein logisk progresjon og struktur. Du bør ha eit bilete i starten av filmen som seier noko om kva oppgåve du har dokumentert, og du kan godt ha nokre overskrifter/kommentarar undervegs. (Dette kan godt vere knytt til fagord innan form, materiale, fargeval osv.)
- Legg til lyd og andre verkemiddel for å få ein god film.
- Vis filmen for klassen og snakk om kva for digitale verktøy de har brukt, og om vala du har teke i redigeringa og bruken av verkemiddel i filmen.
Innlevering og vurdering av:
- Ferdig film
Relatert innhald
Dokumentasjon
Dokumentasjon handlar om å beskrive kva du har gjort, og kva du planlegg. Det er viktig å dokumentere og kvalitetssikre eigen produksjon og kompetanse.