Analyser din eigen kommunikasjonsstil

Oppgåve 1

Sjå psykolog Helga Myrseth si videoforelesning (lengde 6:21) om personleg kommunikasjon og kommunikasjonsmodellen Joharis vindauge. Noter viktige stikkord undervegs.

Etter å ha sett forelesninga bør du kunne svare på desse spørsmåla:

• Kva er grunnbetydninga av ordet "kommunikasjon"?
• Kva for føresetnader må vere til stades for å oppnå god kommunikasjon?
• Kva ligg i omgrepet "vårt offentlege sjølv"?
• Kva ligg i omgrepet "vårt løynde rom"?

Oppgåve 2

Joharis vindauge

Firefeltsskjemaet Joharis vindauge vart utvikla på 1950-talet av psykologane Joseph Luft og Harrington Ingham.

• Feltet ope representerer informasjon om deg sjølv som både du og andre veit.

• Feltet løynt står for det som berre du veit om deg sjølv.

• Feltet blindt illustrerer det andre veit om deg, men som du ikkje veit sjølv.

• Feltet ukjent står for det som er ukjent både for deg selv og andre.

Bruk Joharis vindauge til å analysere din eigen kommunikasjonsstil. Ver ærleg mot deg sjølv.

• Er du ein open person, ein spørjande person, ein synsar eller ein musling?

• Beskriv kommunikasjonsstilen din i møte med venner, familie og i sosiale medium.

• Kva for kommunikasjonsstil ønsker du eigentleg å ha?
• Kva for sider av deg sjølv må du, ifølge Joharis vindauge, utvikle for å endre kommunikasjonsstilen din?

Oppgåve 3

Sjå Mathias Askelands kortfilm Boks (lengde 6:40) frå 2015.

Jobb først saman to og to.

• Beskriv kva som kjenneteiknar kommunikasjonsstilen til kvinna i filmen og kva som kjenneteiknar måten mannen kommuniserer på.

• Er det dårleg kommunikasjon som gjer at det oppstår konflikt, eller kan det vere andre grunnar til det?

Diskuter deretter i klassen:

• Er det sant at det er forskjell på måten gutar og jenter kommuniserer på?

• Del erfaringar og reflekter over korleis måten vi kommuniserer på kan påverke dei relasjonane vi har til andre.