Øvelse
Teikneoppgåve
Denne oppgåva går ut på å teikne byggteikningar digitalt og på papir. Du skal teikne 3-dimensjonale teikningar digitalt. Du skal teikne 2-dimensjonale byggteikningar på papir. Avgjer sjølv storleiken på klossane i oppgåva. Og vel sjølv målestokk du vil teikne i på papir.
Video: Kjell Brørs / CC BY-SA 4.0
Bruk det teikneprogrammet skulen bruker. Start med enkle teikningar av klossar. Etter kvart kan du teikne det de lagar på verkstaden. Teikningar som er brukte som døme på NDLA, kan lastast ned som vedlegg. Lag gjerne byggjesett ved å setje saman bygningsdelane til komponentar.
Byggjeteikningar på byggjeplassen er på papir. Derfor er det viktig å kunne teikne enkle teikningar sjølv. Dei teikningane du teiknar digitalt, kan du teikne som byggteikningar i plan og snitt. Start med å teikne klossar sett frå forskjellige sider. Du må velje ein målestokk slik at teikninga passar arket. Bruk gjerne rutepapir, så det blir enklare å teikne rett. Teikn alltid med blyant, då kan du viske ut feil.
Klossar som blir teikna digitalt og på papir. Bilete: Kjell Brørs / CC BY-SA 4.0
Teiknefiler for SketchUp og andre teikneprogram.