Skriv eit avsnitt om motivet i Skylappjenta

Del 1: Diskuter kva eit godt avsnitt er

Målet med denne oppgåva er at du skal skrive eit avsnitt. Avsnittet skal handle om motivet i Skylappjenta.

Diskuter i grupper:

1. Kva er eit avsnitt?

2. Kva er eit godt avsnitt?

3. Veit de kva desse omgrepa betyr når de snakkar om avsnitt?

   • temasetning

   • kommentarsetning

   • døme

Del 2: Kva er eit godt avsnitt?

1. Sjå filmen Hvordan lage gode avsnitt? (lengde 4:27).

   Ordforklaringar til filmen

   Formidle

   Å formidle betyr å fortelje om noko.

   Utvikle

   Å utvikle betyr at noko forandrar seg.

   Ordforråd

   Ordforråd er orda ein person kan.

   Empatisk

   Å vere empatisk betyr at ein forstår andre menneske, skjønner korleis dei har det.

   Karakterar

   Her: Karakterar er personar, figurar eller dyr som har roller i forteljingar.

2. Diskuter i klassen: Forstod alle

   • kva ei temasetning er

   • kva kommentarsetningar er

   • kva flyt i teksten er

   • korleis de lagar eit ryddig avsnitt

Del 3: Skriv eit avsnitt om motiv i Skylappjenta

No skal du skrive eit avsnitt om det du meiner er motivet i Skylappjenta. Følg oppskrifta under.

A. Lag ei temasetning

Temasetninga er den første setninga i avsnittet. Oppgåva til temasetninga er å vise kva avsnittet skal handle om.

Sjå til dømes på modellteksten under. Dette er ei temasetning til eit avsnitt om motivet i romanen Og – En argentinsk au pairs ordbok. Dette kjem tydeleg fram i temasetninga sidan ho inneheld ordet motiv.

Altså:

Skriv ei temasetning til avsnittet om motivet i Skylappjenta. Bruk ordet motiv.

B. Fortel att handlinga

Fortel kva som skjer i filmen frå starten til han er nesten slutt. Bruk gjerne setningsbindarar som:

• først

• etterpå

• såg

• deretter

C. Skriv om avslutninga

Kva skjer heilt til slutt i filmen? Beskriv dette med ei setning eller to. Bruk setningsbindarar som anten "Til slutt" eller "Filmen avsluttar med at...".

Del 4: Gi kvarandre tilbakemelding

Sit i par og les avsnitta dykkar høgt for kvarandre. Gi kvarandre tilbakemelding på språk og innhald. Snakk om dette:

• Har de klart å lage flyt mellom setningane?

• Har de ei god temasetning?

• Har de ein midtdel som fungerer godt?

• Skriv de tydeleg om kva som skjer til slutt i filmen?

Spør læraren viss de er i tvil om noko.