Oppgåve
Kan du teikne tid?
Er du klar for ei utfordring om verbtidene på ulike språk?
Å teikne, teiknar eller har teikna? Klarer du å teikne ulike tider av eit verb?
Del 1: Går det an å teikne tid?
Før de kan gå vidare til del 2 av oppgåva, må de meistre desse fagomgrepa:
Verbtider
- Infinitiv (Å ete)
- Presens (No et eg.)
- Preteritum (Eg åt.)
- Perfektum (Eg har ete.)
- Futurum (Eg skal ete.)
- Jobb anten ein og ein eller to og to. Ein god måte å øve inn omgrep på er å lage illustrasjonar. No skal de velje dykk eit verb, så skal de teikne verbet i alle dei fem tidene over. Dette er ei skikkeleg utfordring, for går det i det heile tatt an å teikne tid?
- Gå saman i større grupper. Vis fram teikningane for kvarandre, utan å seie noko. Dei andre skal prøve å tippe kva verb de har teikna og i kva tid (tempus). Ingen får rett svar før dei har brukt rett fagomgrep for tid.
- Vis gjerne fram dei teikningane gruppa synest fungerer best, for resten av klassen. Pass på at de bruker fagomgrepa heile vegen mens de forklarer.
Del 2: Verb og tid på ulike språk
Om du har eit anna førstespråk enn norsk, skal du ta utgangspunkt i dette. Har du norsk som førstespråk, så vel språket du har valt som framandspråk i skulen. De kan gjerne jobbe i grupper, men då er det viktig at de har valt same språk.
- Lag ei oversikt, gjerne eit diagram som viser både likskapar og forskjellar mellom måten språka uttrykker tid på. Sjå døme på samanlikning i presens i norsk og engelsk under. Gjer det same med alle verbtidene.
- Prøv å fortelje att diagrammet til kvarandre. Hugs å bruke fagomgrep.