Elevtekst: "Min far, en ryggsekk"

Wergelandkonkurransen er eit samarbeidsprosjekt mellom Kristiansand katedralskole Gimle og fakultetet for humaniora og pedagogikk ved Universitetet i Agder. Målet er å skape skriveglede hos elevar gjennom kreativ skriving og å styrke interessa for litteratur og norskfaget.

Konkurransen består av to prisar: Henrik-prisen for beste dikt og Camilla-prisen for beste essay, kalla opp etter søskena Henrik og Camilla Wergeland (sistnemnde gift Collett). Konkurransen har pengepremiar: 1. premie er på 3 000 kroner, 2. premie på 2 000 kroner og 3. premie på 1 000 kroner.

På vårparten i vg2 besøker elevane barndomsparadiset til Wergeland-familien, Bragdøya og Thaulows Hus. Dei får òg ei forelesing om diktskriving av poet Annabelle Despard ved UiA, før dei sjølv prøver seg som diktarar. I starten av vg3 besøker elevane UiA på nytt for ei forelesing om essayskriving med Sigurd Tenningen, essayist og førsteamanuensis ved UiA. Deretter skriv dei eigne essay med rettleiing frå engasjerte norsklærarar.

Gjennom arbeidet med dikt og essay skal elevane finne si eiga "stemme" i teksten. I ei tid der mange elevar lar skriverobotar gjere jobben, ønsker Wergelandkonkurransen å snu trenden ved å løfte fram gode elevtekstar. Årets pris markerer starten på eit langsiktig samarbeid.

Lene Lie, Kristiansand katedralskule Gimle