Kva kan du om svensk og dansk?

Lytt til podkasten Norsken, svensken og dansken frå NRK.

1. Forstår de alt som blir sagt?
2. Kven forstår de best? Dansken eller svensken?
3. Klarer de å forklare kvifor de eventuelt forstår det eine språket betre enn det andre?

Kor mykje kan du eigentleg om historia til dei skandinaviske språka? Test deg sjølv:

1. Sjå filmen om nordiske språk under. Her får du informasjon som kan hjelpe deg med å gjere den førre oppgåva riktig.
2. Gjer oppgåve 1 ein gong til.

1. Kor mykje kan du eigentleg om svensk? Test deg sjølv ved å gjere fyll inn orda-oppgåva under. Du får ikkje sjå løysinga. Årsaka er målet om å berre prøve éin gong for å sjekke forkunnskapane dine.
2. Les det som står om svensk i artikkelen "Norsk møter svensk og dansk." Du finn lenkje til artikkelen under testen.
3. Ta testen om igjen heilt til du får alle svar riktige.

1. Kor mykje kan du eigentleg om dansk? Test deg sjølv ved å gjere fyll inn orda-oppgåva under. Du får ikkje sjå løysinga. Målet er det same no som då du sjekka svensk-kunnskapane dine: Du skal berre prøve ein gong for å sjekke forkunnskapane dine.
2. Les det som står om dansk i artikkelen "Norsk møter svensk og dansk."
3. Ta testen om igjen heilt til du får alle svar riktige.

No har du testa deg sjølv og lese deg opp. Men det kan vere fint å snakke om det i tillegg, for då hugsar du det du har lært endå betre.

Gå saman i par og hjelp kvarandre med å kome på likskapar og forskjellar mellom norsk, svensk og dansk. De skal bruke fagomgrep og fullføre setningane under munnleg:

• Når det gjeld svensk, synest vi nordmenn det er enklare å ...
• Årsaka er at ...
• Svenskane har eit par vokalar ...
• Dessutan har svenskane lånord frå ...
• Vi har meir problem med å forstå dansk ...
• Den viktigaste årsaka er nok at ...
• Til dømes vil ein danske seie ...
• Eit anna fenomen som er heilt spesielt for dansk er ...
• Det betyr at ...
• Dei blaute vokalane kan ...