Korleis bygge opp avsnitt i lesarinnlegg?

Sjå på ein modelltekst

Her skal du få ei innføring i korleis du kan bygge opp eit avsnitt som har som mål å overtyde om ei sak. Innføringa bruker ein modelltekst for å vise deg korleis du kan setje opp avsnittet.

Nei til karakterar i kroppsøving

Modellteksten er eitt avsnitt i eit lengre lesarinnlegg som har som mål å overtyde om at karakteren bør fjernast i faget kroppsøving. I avsnittet prøver avsendar å overtyde både ved å vende seg til kjensler og fornuft.

Tips!

Bruk argument som både påverkar kjensler og fornuft. Dette er argumenta i modellteksten som appellerer til høvesvis kjensler og fornuft:

Kjensler

• For mange er det fælt å måtte hoppe og løpe mens andre ser på.

• Mange har ikkje lyst til å dusje saman med andre.

• Idrett skal vere gøy og lystbetont!

Fornuft

• Ungdataundersøkinga viser at skulepresset tynger ungdom. Kan kroppsøvingsfaget vere ein fristad?

• Undersøkinga viser òg stort kroppspress. Karakterar vil auke dette.