Skje eller skei? Lyd eller ljod? Er det så nøye, då?

Oppgåve 1. Utforsk valfridommen i skriftspråket

Del 1: Jobb i par eller grupper

1. Sjå på språket til personane A–D nedanfor. Bruk to–tre minutt kvar for dykk til å notere kva de legg merke til. Del deretter med kvarandre i gruppa. Legg de merke til dei same tinga?

2. Diskuter kjønn, alder, bustad, stil, yrke og sosial status til dei fire personane.

3. Kva fordommar eller stereotypiar ligg til grunn for svara de har gitt i oppgåve b?

4. Kva for ein av personane A–D ligg nærast slik de sjølve

   • snakkar

   • skriv

Del 2: Gjett form

Her skal du først gjette kva former nokre ord kan ha. Deretter skal du undersøke om du sjølv bruker flest konservative eller radikale former når du skriv bokmål og nynorsk.

Tips: Noter resultata dine undervegs så du kan samanlikne med andre.

Del 3: Kva fann de ut?

Samanlikn resultata i del 2 i gruppa eller i klassen. Før gjerne statistikk.

1. Er det stor variasjon, eller er det ganske likt? Diskuter kvifor.

2. Er det nokre ord/skrivemåtar som skil seg ut?

Oppgåve 2. Radikalt og konservativt skriftspråk

Del 1: Les meir

Les meir om dei ulike skriftspråkvariantane på snl.no:

• Konservativ nynorsk

• Radikal nynorsk

• Konservativt bokmål

• Moderat bokmål

• Radikalt bokmål

1. Kva er forskjellen mellom moderat og konservativt bokmål?

2. Kvifor bruker vi omgrepa "radikal" og "konservativ" om dei ulike skriftspråkvariantane?

3. Kva for bokmålsvariant ligg nærast nynorsk?

4. Kva skriftspråkvariant bruker du?

Del 2: Kva trur du?

1. Sjølv om talemålsvariasjonen i Noreg er stor og dialektane står sterkt, skriv det store fleirtalet konservativt eller moderat bokmål. Kvifor det, trur du?

2. Trur du det er konservativ eller radikal nynorsk som dominerer? Gjer deg nokre tankar om kva du trur, og diskuter gjerne med andre før du leitar etter svar på internett eller andre stader.

Del 3: Test deg

Sorter bokmåls- og nynorskorda du finn i vindauga nedanfor, i radikale og konservative former.

Bokmål

Nynorsk

Oppgåve 3. Radikalt og konservativt bokmål

Teksten nedanfor er skriven på konservativt bokmål. Gjer om teksten til radikalt bokmål ved å fylle inn dei riktige formene i dei blanke felta. Det kan vere lurt å bruke ordbok i arbeidet.

Oppgåve 4. Bokmåls- og nynorskformer i bruk

Ved hjelp av søketenesta til Nasjonalbiblioteket N-gram (nb.no) kan du søke opp når og kor ofte eit ord blir nytta i tekstar mellom 1810 og 2013. Dermed kan du "forske" på utviklinga av radikale og konservative former i nynorsk og bokmål.

Det er lurt å lese om søketenesta i boksen nedanfor før du kastar deg over oppgåvene.

Del 1: Bruk av bokmålsformer

Opne "innstillingar" og marker for "berre bokmål".

Du skal søke opp ordpara/ordgruppene du finn i lista nedst i oppgåva. For kvart søk skal du svare på følgande spørsmål:

1. Kva utviklingstendensar ser du? Forklar med eigne ord korleis bruken av dei to formene har utvikla seg.

2. Kva trur du kan forklare utviklinga?

3. Korleis trur du bruken av formene blir om 50 år? Kvifor?

Ordpar/ordgrupper:

• dyp, djup

• hytten, hytta

• frem, fram

• sammenlikner, sammenligner

• benene, bena, beina

Del 2: Bruk av nynorskformer

Opne "innstillingar" og marker for "berre nynorsk".

Du skal søke opp ordpara du finn i lista nedst i oppgåva. For kvart søk skal du svare på følgande spørsmål:

1. Kva utviklingstendensar ser du? Forklar med eigne ord korleis bruken av dei to formene har utvikla seg.

2. Kva trur du kan forklare utviklinga?

3. Korleis trur du bruken av formene blir om 50 år? Kvifor?

Ordpar:

• døme, eksempel

• hennar, hennes

• då, da

• fyrst, først

• korkje, verken

Oppgåve 5. Haldningar til skriftspråkvariasjon

I tekst 1 under hevdar Hans Christian Holm, initiativtakar til Foreninga for radikalt bokmål, at mange ønsker å skrive radikalt, men ikkje får lov. Tekst 2 og 3 er skrivne av nokon som har fått kritikk for måten dei skriv eller snakkar på.

Tekst 1: "Skæv eller skog?" (nrk.no)

Tekst 2: "Hvordan skrive et akademisk språk?" (forskerforum.no)

Tekst 3: "Det norske skriftspråket er rasert" (landgaard.no)

1. I gruppe: Fordel tekstane mellom dykk og undersøk kva haldningar til språk som kjem fram i dei.

   • Kva består kritikken i?

   • Kva er argumenta forfattarane møter hos dei som gir kritikk?

   • Er de einige med kritikarane eller forfattarane? Grunngi!

2. I klassen: Diskuter påstanden " I Noreg bør vi få lov til å velje den språkforma vi sjølv liker best".