Bonderomantikk i "Luren" og i ein reklamefilm

Del 1

1. Kva assosiasjonar har du til "den norske bonden"?

2. Novella "Luren" (1819) av Maurits Hansen skildrar ein norsk bonde. Kva eigenskapar har han? Liknar biletet Hansen skaper på assosiasjonane du hadde frå før?

Del 2: analyse

Sjå reklamefilmen GRIS! (youtube.com) og skriv ein retorisk analyse av han.

Nokre hjelpespørsmål til analysen (sjå òg lenkjer nedst på sida).

1. Kven er avsendaren? Undersøk kven som står bak "MatPrat".

2. Kva er den retoriske situasjonen?

3. Kva for retoriske grep bruker avsendaren for å overtyde oss? Sjå spesielt på korleis bonden blir skildra.

4. Samanlikn bøndene i filmen med det du svarte under del 1. Stadfestar filmen førestillingane dine? Liknar dei på bonden i "Luren"?

Del 3: Kritisk tilnærming til tekst

Reklamefilmen viser eit utval bønder som driv med grisehald. Gir dette eit realistisk bilete av griseindustrien i Noreg?

1. Gjer eit nettsøk på temaet og vel deg ut minst éin tekst med positiv eller nøytral vinkling, og éin tekst som er kritisk til griseindustrien.

2. Ver kritisk til treffa du får: Kven er avsendarar? Kva interesser har dei for enten å forsvare industrien eller angripe han?

3. På kva måte påverkar desse tekstane biletet ditt av bønder og norsk landbruk?

4. Kva er det "korrekte" biletet av bonden i dag? Det idylliske biletet som blir skapt i reklamefilmen, og skrekkbileta frå griseindustrien ligg langt frå kvarandre. I mellom der finst det tallause måtar å drive gardsdrift på, og bønder er like ulike som oss andre. Kva kan du finne ut om norske bønder og landbruk i Noreg i dag?

Skriv eit essay om den norske bonden før og no. Bruk gjerne tekstane frå oppgåve 1 som inspirasjon.