Øv på presenteringssetningar

Dette er ein del av ein læringssti. Les fagartikkelen "Det i presenteringssetningar" før du gjer oppgåvene.

I setningane under er det eit formelt subjekt (det) og eit eigentleg subjekt. Gå saman i par og diskuter kva som er det eigentlege subjektet. Snu kortet for å sjekke om de har rett svar.

Døme:

• "Det står ein mann utanfor døra."

• Svar: "Ein mann" er eigentleg subjekt.

Lag setningane under om til presenteringssetningar med "det". Hugs at "det" skal stå på den plassen subjektet pleier å stå.

Døme:

• Ein gut badar i sjøen.

• Det badar ein gut i sjøen.

Sit i par. Klarer de å tippe kva for ein presenteringssetning som høyrer til biletet? Sjå på orda under og bruk desse for å lage ei presenteringssetning som høyrer til biletet. Snu for å sjå svaret.

Denne oppgåva skal de gjere saman i klassen. I biletserien under er det seks bilete.

1. Sjå på det første biletet. Prøv å lage flest mogleg presenteringssetningar saman i klassen. Skriv dei opp på tavla. Gå deretter vidare til neste bilete og gjer det same.

2. Diskuter i klassen: Forstår de kva presenteringssetningar er etter å ha gjort desse øvingane? Er det noko de treng å øve meir på?

Gå vidare i læringsstien for å lære om "det" i at- og å-setningar.